கோலாகல கருணாநிதி சிலைத் திறப்பு விழா: ரஜினிகாந்த் உட்பட.. பங்கேற்ற விஐபிகள் யார் யார் தெரியுமா?
சென்னை: கருணாநிதியின் சிலைத் திறப்பு விழாவுக்கு ரஜினிகாந்த், வைரமுத்து உள்ளிட்டோர் வருகை தந்துள்ளனர்.
Recommended Video
சென்னை ஓமந்தூரார் தோட்ட வளாகத்தில் நடைபெறும் விழாவில் மறைந்த முன்னாள் முதல்வர் கருணாநிதியின் சிலையை துணை குடியரசுத் தலைவர் வெங்கையா நாயுடு திறந்து வைத்தார்.
ரூ 1.17 கோடி மதிப்பில் சுமார் 16 அடி உயரத்தில் கருணாநிதியின் சிலை அமைக்கப்பட்டுள்ளது. இந்த விழாவிற்கு முதல்வர் ஸ்டாலின் குடும்பத்தினர், அரசு அதிகாரிகள், தலைமைச் செயலாளர் உள்ளிட்டோர் வருகை தந்தனர்.
சிலை திறப்பு விழா குறித்த நிகழ்ச்சி கலைவாணர் அரங்கத்தில் நடைபெறுகிறது. இந்த விழாவுக்கு முதல்வர் குடும்பத்தினர், அமைச்சர்கள், எம்எல்ஏக்கள், திமுக நிர்வாகிகள் வருகை தந்தனர். அது போல் ரஜினிகாந்த், வைரமுத்து, நக்கீரன் கோபால், பத்திரிகை ஆசிரியர் கோவி லெனின், சென்னை மேயர் பிரியா உள்பட 20 மேயர்களும் வருகை தந்துள்ளனர்.
தமிழக வாழ்வுரிமை கட்சித் தலைவர் தி வேல்முருகன், வழக்கறிஞர் கண்ணதாசன், விடுதலைச் சிறுத்தைகள் கட்சி தலைவர் திருமாவளவன், எம்எல்ஏ ஆளூர் ஷாநவாஸ், மதிமுக பொதுச் செயலாளர் வைகோ, தமிழக காங்கிரஸ் தலைவர் கே எஸ் அழகிரி, நடிகர் சத்யராஜ், நாசர் உள்ளிட்டோர் கலந்து கொண்டனர்.
கருணாநிதி சிலைத் திறப்பு.. பிரம்மாண்ட கட் அவுட்களுடன் விழா கோலம் பூண்ட அண்ணா அறிவாலயம்