இந்து முன்னணி நிறுவனர் ராமகோபாலனுக்கு மூச்சுத்திணறல்... மருத்துவமனையில் அனுமதி..!
சென்னை: இந்து முன்னணி நிறுவனர் ராமகோபாலனுக்கு மூச்சுத்திணறல் ஏற்பட்டதை அடுத்து சென்னை போரூரில் உள்ள தனியார் மருத்துவமனையில் அனுமதிக்கப்பட்டுள்ளார்.
இந்து முன்னணி அமைப்பின் நிறுவனத் தலைவரான ராமகோபாலன் 90 வயதை கடந்தவர் என்பதால் வயது முதிர்வு காரணமாக அவருக்கு அவ்வப்போது உடல்நலக் குறைவு ஏற்படுவது வழக்கம். கடந்த ஆகஸ்ட் மாதம் கூட அவருக்கு காய்ச்சலும், மூச்சுத்திணறலும் ஏற்பட்டது. இதையடுத்து அவர் வழக்கமாக சிகிச்சை மேற்கொள்ளும் ராமச்சந்திரா மருத்துவமனையில் அனுமதிக்கப்பட்டு சிகிச்சை பெற்று வீடு திரும்பினார்.
இந்நிலையில் இன்று மாலை மீண்டும் ராம கோபாலனுக்குமூச்சு விட சிரமம் ஏற்பட்டிருக்கிறது. மூச்சுத்திணறலால் அவர் அவதிப்பட்டதை அடுத்து தாமதமின்றி ராமச்சந்திரா மருத்துவமனைக்கு அழைத்துச்செல்லப்பட்டார். அங்கு அவரை உள் நோயாளியாக அனுமதித்துள்ள மருத்துவர்கள் கொரோனா தொற்றை கண்டறியும் சோதனை நடத்தியிருக்கின்றனர். இன்னும் அந்த முடிவு வெளியாகாத நிலையில் அவருக்கு முதலுதவி சிகிச்சைகள் அளிக்கப்பட்டுள்ளன.
நாடு முழுவதும் ஒரே மாதிரி ஆர்.சி. புக்... ஓட்டுநர் உரிமம்... அக்டோபர் 1 முதல் அதிரடி மாற்றங்கள்..!
தீவிர சிகிச்சைப் பிரிவில் அனுமதிக்கப்பட்டிருக்கும் ராமகோபாலனை மருத்துவர்கள் குழு தீவிரமாக கண்காணித்து வருகிறது. மேலும், மூச்சுத்திணறலால் அவதிப்படும் ராமகோபாலனுக்கு அவரது சுவாசப்பாதையை சீராக்குவதற்கான சிகிச்சைகள் தொடங்கப்பட்டுள்ளதாக மருத்துவமனை வட்டாரங்கள் தெரிவிக்கின்றன.