• search
சென்னை அப்டேட்டுகளுக்கு
நோட்டிபிகேஷனை அனுமதி  

எப்படி இருக்கிறார் பேராசிரியர் அன்பழகன்...? மருத்துவ வட்டாரம் என்ன சொல்கிறது..?

|

சென்னை: திமுக பொதுச்செயலாளர் அன்பழகன் மூச்சுத்திணறல் காரணமாக மருத்துவமனையில் அனுமதிக்கப்பட்டுள்ள நிலையில் அவரது உடல்நிலையில் எந்த முன்னேற்றமும் இல்லாததால் கட்சியினர் கவலையில் ஆழ்ந்துள்ளனர்.

கடந்த திங்கள்கிழமை இரவு சுவாசிக்க மிகவும் சிரமப்பட்டதை அடுத்து சென்னை கீழ்ப்பாக்கம் வீட்டிலிருந்து கிரீம்ஸ் சாலையில் உள்ள அப்போலோ மருத்துவமனையில் அன்பழகன் அனுமதிக்கப்பட்டார்.

மூன்று நாட்களாக செயற்கை சுவாசம் அளிக்கப்பட்டு வரும் சூழலில், அவரது உடல்நிலையில் சொல்லிகொள்ளும் அளவுக்கு எந்த முன்னேற்றமும் ஏற்படவில்லை.

ஐயா உங்க தோட்டத்தில் கூட மாம்பழம் பழுக்கலையா?.. என்ன பண்ணலாம்.. திமுக எம்பி நக்கல்

98 வயது

98 வயது

திமுக பொதுச்செயலாளர் பேராசிரியர் அன்பழகன் வயது மூப்பின் காரணமாக கடந்த இரண்டு ஆண்டுகளாகவே வெளிநிகழ்ச்சிகள் எதிலும் கலந்துகொள்ளவில்லை. சென்னை கீழ்ப்பாக்கம் கார்டனில் உள்ள அவரது இல்லத்தில் மினி ஹாஸ்பிட்டல் செட் அப் செய்யப்பட்டு அவரை சுழற்சி முறையில் செவிலியர்கள் கவனித்து வந்தனர். அன்பழகனுக்கு 98 வயது நடைபெற்று வரும் நிலையில் கூட, அவரது நினைவுத்திறன் கூர்மையாகவே இருந்து வந்தது. அவரை சந்திக்க வருபவர்களை அடையாளம் கண்டு பேர் சொல்லி அழைத்து பேசுவார்.

ஓராண்டு

ஓராண்டு

கடந்த ஓராண்டுகாலமாகவே அன்பழகன் படுத்த படுக்கையாக சிகிச்சை பெற்று வருகிறார். அவருக்கு திரவ ஆகாரங்கள் மட்டுமே கொடுக்கப்பட்டு வந்தன. அன்பழகனின் மருமகன் மருத்துவர் என்பதால் அவர் மேற்பார்வையில் மருத்துவர்கள் குழு சிகிச்சை அளித்து வந்தது. மேலும், அவருக்கு தேவையான உதவிகளை நீண்ட காலமாக உதவியாளராக இருந்துவரும் நடராஜன் பார்த்து பார்த்து செய்து வருகிறார். உணவு உட்கொள்ளாமையால் அன்பழகனின் உடல் மெலிந்து தளர்ந்து காணப்பட்டார்.

பதற்றம்

பதற்றம்

நடமாடமுடியாவிட்டாலும் படுத்த படுக்கையாக இருந்து வந்த அவருக்கு கடந்த திங்கள்கிழமை இரவு மூச்சுத்திணறல் ஏற்பட்டது. சுவாசிக்க அவர் மிகவும் சிரமப்பட்டதை பார்த்து குடும்பத்தினர் பதற்றம் அடைந்துவிட்டனர். உடனடியாக தாமதமின்றி அப்போலோ மருத்துவமனை அழைத்துச் செல்லப்பட்டு செயற்கை சுவாசம் கொடுக்கப்பட்டு சிகிச்சை தொடங்கப்பட்டது. ரெஸ்பிரேட்டரி துறை சார்ந்த மூத்த மருத்துவர்கள் அன்பழகனின் உடல்நிலையை பரிசோதித்து எதையும் தங்களால் உறுதியாக சொல்லமுடியாது என தெரிவித்திருக்கிறார்கள்.

அலைபேசி

அலைபேசி

திமுக தலைவர் மு.க.ஸ்டாலின் மருத்துவமனைக்கு அடிக்கடி சென்று பேராசிரியர் எப்படி இருக்கிறார் என மருத்துவர்களிடம் நலம் விசாரிக்க தவறுவதில்லை. மேலும், அன்பழகன் குடும்பத்தினருக்கு தைரியமும் கொடுத்து வருகிறார். இதனிடையே திமுக மூத்த நிர்வாகிகளான துரைமுருகன், நேரு, வேலு, பொன்முடி, மற்றும் சென்னை மாவட்டச் செயலாளர்களுடன் அன்பழகன் உடல்நிலை பற்றி ஸ்டாலின் அவ்வப்போது பேசி வருகிறார்.

 
 
 
English summary
How is Professor Anbzhagan health condition ...?
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more
X