மச்சினிச்சி குளிக்கும் வீடியோவை.. மாமியார் வீட்டுக்கு அனுப்பி மிரட்டல்.. தூக்கியது சென்னை போலீஸ்!
மனைவியின் தங்கையின் ஆபாச வீடியோ வெளியிட்ட நபர் கைது செய்யப்பட்டார்
சென்னை: மச்சினிச்சி குளிக்கும் வீடியோவை.. மாமியார் வீட்டுக்கு அனுப்பி மிரட்டலும் விடுத்த நபரை சென்னை போலீசார் கைது செய்துள்ளனர்.
சென்னை வளசரவாக்கத்தை சேர்ந்தவர் தினேஷ்.. இவருக்கு வயது 31.. ஒரு தனியார் நிறுவனத்தில் வேலை பார்க்கிறார். மனைவி, மற்றும் 7 வயதில் ஒரு பெண் குழந்தை உள்ளனர். இவர்களுக்கு கல்யாணம் ஆகி 9 ஆண்டுகள் ஆகின்றன.
தினேஷூக்கு குடிப்பழக்கம் உள்ளது.. இந்த பழக்கம் வேண்டாம் என்று பலமுறை மனைவி சொல்லியும் தினேஷ் கேட்கவில்லை.. அதனால் தம்பதிக்குள் நிறைய பிரச்சனைகள், தகராறுகள் வந்து போய் உள்ளன.
வழக்கம்போல் இப்படி ஒரு சண்டைதான் நேற்றிரவும் நடந்தது.. அதனால் மனைவி கோபித்து கொண்டு அம்மா வீட்டுக்கு சென்றுவிட்டார். இதனால் ஆத்திரம் அடைந்த தினேஷ், மனைவியின் 22 வயது தங்கையின் ஆபாச வீடியோவை, மனைவியின் சொந்தக்காரர்கள் 2 பேருக்கு அனுப்பி வைத்திருக்கிறார்.
மகனின் காதலி மீது ஆசை.. கடத்தி சென்று போகிற வழியில் தாலியை கட்டி சீரழித்த தந்தை.. நாகை கலாட்டா!
இதை பார்த்து அதிர்ச்சி அடைந்த அவர்கள், உடனடியாக கன்ட்ரோல் ரூமுக்கு தகவல் தெரிவிக்க.. மாதவரம் போலீசார் விரைந்து வந்து தினேஷை கைது செய்தனர். அப்போது அவரிடம் போலீசார் நடத்திய விசாரணையில், "என் மச்சினிச்சி அடிக்கடி எங்க வீட்டுக்கு வருவாள்.. அப்போது அவளுக்கே தெரியாமல் குளிப்பதை வீடியோ எடுத்து வைத்திருந்தேன்.. மனைவியை குடும்பம் நடத்த வரசொல்லி கூப்பிட்டேன்..
பலமுறை கூப்பிட்டும் வரவில்லை.. அதனால், என் மச்சினிச்சி வீடியோவை மாமியார் வீட்டுனருக்கு அனுப்பினேன்.. என் பொண்டாட்டியை உடனே கிளம்பி வர சொல்லாவிட்டால், இந்த வீடியோவை சோஷியல் மீடியாவிலும் போட்டுவிடுவேன் என்றும் அவர்களை மிரட்டினேன் என்றார். இதையடுத்து தொடர் விசாரணை தினேஷிடம் நடந்து வருகிறது.