முதல்வரும் பிக்பாஸ் பார்க்கிறார் என்பதில் மகிழ்ச்சி.. எடப்பாடியாருக்கு கமல்ஹாசன் பொளேர் பதிலடி
சென்னை: தமது பிக்பாஸ் நிகழ்ச்சியை விமர்சித்தன் மூலம் அதை முதல்வர் எடப்பாடி பழனிசாமியும் பார்க்கிறார் என்பது தமக்கு மகிழ்ச்சியளிக்கிறது என்று மக்கள் நீதி மய்யத்தின் தலைவர் கமல்ஹாசன் ட்விட்டரில் பதிலடி கொடுத்துள்ளார்.
Recommended Video
அரியலூரில் இன்று பேசிய முதல்வர் எடப்பாடி பழனிசாமி கமல்ஹாசனை கடுமையாக சாடினார். அரியலூரில் செய்தியாளர்களிடம் முதல்வர் எடப்பாடி பழனிசாமி பேசியதாவது:
இதுதான் கூட்டணி? ஒரே எம்ஜிஆர் பாடலை ஒரே நாளில் பாடி எடப்பாடியை விமர்சித்த ஸ்டாலின்- கமல்ஹாசன்
பிக்பாஸ் நடத்தும் கமல்
கமல்ஹாசனுக்கு 70 வயதாகிறது. அவருக்கு என்ன தெரியும்? 70 வயதில் பிக்பாஸ் நடத்திக் கொண்டிருக்கிறார் கமல்ஹாசன். பிக்பாஸ் நடத்துகிறவர்கள் எல்லாம் அரசியல் செய்தால் எப்படி இருக்கும்?
குடும்பங்கள் உருப்படாது
வீட்டில் இருக்கும் ஒரு குடும்பம் கூட நல்லா இருக்காது. பிக்பாஸில் என்னங்க இருக்கிறது? அவரு ஒரு கட்சிக்கு தலைவர்னு சொல்லி கேள்வி கேட்கிறீங்க? அவர் எல்லாம் நாட்டு மக்களுக்கு நன்மை செய்யக் கூடியவர் அல்ல. நல்லா இருக்கக் கூடிய குடும்பத்தை கெடுப்பதுதான் அவருடைய வேலை. அந்த டிவி தொடரை பார்த்தால் குழந்தைகளும் கெட்டுப் போகும்; நல்லா இருக்கும் குடும்பமும் கெட்டுப் போகும். இவ்வாறு முதல்வர் எடப்பாடி பழனிசாமி பேசினார்.
கமல்ஹாசன் பதில்
முதல்வர் எடப்பாடி பழனிசாமியின் இந்த விமர்சனத்துக்கு 2 ட்விட்டர் பதிவுகள் மூலம் கமல்ஹாசன் பதிலடி கொடுத்துள்ளார். அதில், முதல்வரும் பிக்பாஸ் பார்க்கிறார் என்பது மகிழ்ச்சியளிக்கிறது என முதலில் பதிவு போட்டார் கமல்ஹாசன். அவரது இந்த பதிலடி சமூக வலைதளங்களில் வைரலாக ஷேராகி வருகிறது.
எம்ஜிஆர் பாடல் மூலம் பதில்
மற்றொரு ட்விட்டர் பதிவில் எம்ஜிஆர் பாடல் மூலம் பதில் தந்துள்ளார் கமல்ஹாசன். அப்பதிவில், சிலர் ஆசைக்கும் தேவைக்கும் வாழ்வுக்கும் வசதிக்கும் ஊரார் கால் பிடிப்பார்.. ஒரு மானமில்லை, அதில் ஈனமில்லை அவர் எப்போதும் வால் பிடிப்பார். `எதிர் காலம் வரும் என் கடமை வரும். இந்தக் கூட்டத்தின் ஆட்டத்தை ஒழிப்பேன்' என மேற்கோள்காட்டி இருக்கிறார் கமல்ஹாசன்.