Just In

ஐயா.. டேய் தமிழ் இயக்குனர்களா.. தர்பார் படத்தை பார்த்து கடுப்பான ஐஏஎஸ் அலெக்ஸ்.. செம அட்வைஸ்!

தர்பார் படத்தை பார்த்து கடுப்பான பிரபல ஐஏஎஸ் அதிகாரி அலெக்ஸ் பால் மேனன், அது குறித்து டிவிட் செய்து விமர்சித்துள்ளார்.

Updated: Friday, January 10, 2020, 13:35 [IST]

சென்னை: தர்பார் படத்தை பார்த்து கடுப்பான பிரபல ஐஏஎஸ் அதிகாரி அலெக்ஸ் பால் மேனன், அது குறித்து டிவிட் செய்து விமர்சித்துள்ளார்.

நடிகர் ரஜினிகாந்த் நடிப்பில், ஏஆர் முருகதாஸ் இயக்கத்தில் தர்பார் படம் தற்போது வெளியாகி உள்ளது. தர்பார் படத்தில் நடிகர் ரஜினிகாந்த் மும்பை போலீஸ் கதாபாத்திரத்தில் நடித்துள்ளார். படம் நேற்றுதான் வெளியானது.

எப்போதும் ரஜினி படத்திற்கு இருப்பது போல இந்த படத்திற்கும் பெரிய அளவில் ஓப்பனிங் இருந்தது. பொங்கலை முன்னிட்டு படம் வெளியாகி இருப்பதால், படத்திற்கு பெரிய அளவில் வசூல் வரும் என்று எதிர்பார்க்கப்படுகிறது.

சுட்டும்.. குத்தியும் கொல்லப்பட்ட எஸ்ஐ வில்சன்.. பூந்துறையில் பதுங்கியிருந்த ரபீக்.. மடக்கிய போலீஸ் சுட்டும்.. குத்தியும் கொல்லப்பட்ட எஸ்ஐ வில்சன்.. பூந்துறையில் பதுங்கியிருந்த ரபீக்.. மடக்கிய போலீஸ்

தர்பார் படம்

இந்த நிலையில் தர்பார் படத்தை பார்த்துவிட்டு ஐஏஎஸ் அதிகாரி அலெக்ஸ் பால் மேனன் டிவிட் செய்துள்ளார். அதில் , ஐயா, டேய் தமிழ் இயக்குனர்களா... இனிமே இந்த ஐஏஎஸ், ஐபிஎஸ் பின்புலம் வச்சி எந்த படமும் எடுக்காதீங்க ஐயா. உங்க லாஜிக் ஓட்டைல எங்க மொத்த மூளையும் விழுந்து கிடக்குது, என்று குறிப்பிட்டுள்ளார்.

ஐயா, டேய் தமிழ்
இயக்குனர் களா ...
இனிமே இந்த IAS ,IPS பின்புலம் வச்சி எந்த படமும் எடுக்காதீங்க ஐயா .. உங்க லாஜிக் ஓட்டைல எங்க மொத்த மூளையும் விழுந்து கிடக்குது ..
— Alex Paul Menon (@alexpaulmenon) January 10, 2020

யார் இவர்

சத்தீஸ்கர் மாநிலத்தில் மாவோயிஸ்டுகளால் கடத்தப்பட்டு விடுவிக்கப்பட்ட சுக்மா மாவட்ட கலெக்டர் அலெக்ஸ் பால்மேனன் என்பது குறிப்பிடத்தக்கது. இவர் 2012ல் கடத்தப்பட்டு, கஸ்டடியில் வைக்கப்பட்டு பின் விடுதலை செய்யப்பட்டார். இவர் தமிழகத்தை சேர்ந்தவர் என்பதும் குறிப்பிடத்தக்கது.

அட

இந்த நிலையில் இவர் தர்பார் படம் குறித்து இப்படி விமர்சனம் செய்து இருப்பது பெரிய வைரலாகி உள்ளது. பலரும் அவரின் கமெண்டிற்கு பதில் அளித்து வருகிறார்கள். என்ன பொசுக்குனு இப்படி சொல்லிட்டிங்க, என்று நிறைய பேர் இந்த டிவிட்டிற்கு சிரிக்கும் ஸ்மைலிகளை அளித்துள்ளனர்.

தர்பார் விமர்சனம்

தர்பார் படம் விமர்சன ரீதியாக நிறைய மோசமான விமர்சனங்களை பெற்று வருகிறது. ரஜினி ரசிகர்கள் மட்டும் படத்தை புகழ்ந்து வருகிறார்கள். பொதுவான ரசிகர்கள் பலர் படம் அவ்வளவு சிறப்பாக எதிர்பார்த்த அளவிற்கு இல்லை என்று கூறி வருகிறார்கள்.