டார்ச் லைட்டில் பேட்டரி போனா கமல்ஹாசன் என்ன பண்ணுவார்… தமிழிசை கிண்டல்
சென்னை: கமல்ஹாசன் டார்ச் லைட் என்றால் நாங்கள் கலங்கரை விளக்கம் என்று பாஜக தமிழக தலைவர் தமிழிசை சவுந்தரராஜன் தெரிவித்துள்ளார்.
தேர்தல் தேதி இன்று அறிவிக்கப்பட்டுள்ள நிலையில் செய்தியாளரிடம் பேசிய அவர், எதிர்க்கட்சிகள் அத்தனையும் தோல்வி பயத்தில் இருப்பதாக கூறினார்.
மேலும், தேர்தல் தேதி சரியான கால அவகாசத்துடன் அறிவிக்கப்பட்டிருக்கிறது. தமிழகத்திற்கு இரண்டாம் கட்டத்திலேயே தேர்தல் வருவதும் மிக்க மகிழ்ச்சி. 2019 தேர்தலிலும் வெற்றி பெற்று, மீண்டும் மோடி பிரதமராக வரவேண்டும்.
என்னதான் வெறுத்தாலும்; நாட்டின் பாதுகாப்பு மிக முக்கியம் , அரசியலை விட அதை அனைவரும் நாம் உணர வேண்டும்.
பிரதமர் மோடி பொதுமக்களிடம் பேசுகிறார், வானொலியில் பேசுகிறார், காணொளியில் பேசுகிறார். நாட்டு மக்களுக்கு என்ன செய்ய வேண்டுமோ அதை செய்து கொண்டிருக்கிறார்.
பாஜகவை தேடிக்கொண்டிருப்பதாக கூறிய கமல்ஹாசனை வன்மையாக கண்டிக்கிறேன். டார்ச் லைட் எவ்வளவு தூரத்தில் வெளிச்சம் காண்பிக்கும். நாங்கள் கலங்கரை விளக்கம், ஆகவே, இந்த விளக்கம் எங்களுக்கு தேவையில்லை.
கமல்ஹாசன் அனுபவம் இல்லாமல் பேசுகிறார். டார்ச் லைட்டில் பேட்டரி போனா என்ன பண்ணுவீர்கள் என்றும் கேள்வி எழுப்பினார்.