மொத்தமாக அள்ளப்போவது திமுக கூட்டணியே... அதிமுகவுக்கு இவ்வளவுதான்.. இந்தியா டுடே கணிப்பு
Recommended Video
சென்னை: தமிழகத்தில் இந்தியா டுடே கருத்துக்கணிப்பில் தமிழகத்தில் திமுக கூட்டணியே அதிக இடங்களில் வெல்லும் என கூறப்பட்டள்ளது.
நாடு முழுவதும் மக்களவை தேர்தல் கடந்த ஏப்ரல் 11ம் தேதி தொடங்கி மே 19ம் தேதி(இன்றுடன்) முடிவடைந்தது.
தேர்தல் முடியும் வரை கருத்துக்கணிப்புகளை வெளியிடக்கூடாது என தேர்தல் ஆணையம் தடை விதித்து இருந்தது. இதனால் தேர்தலுக்கு பிந்தைய கருத்துக்கணிப்புகளை அனைத்து தேசிய மற்றும் மாநில ஊடகங்கள் வெளியிட்டு வருகின்றன.
தமிழகத்தில் வேலூர் தவிர 38 தொகுதிகளில் தேர்தல் நடந்து முடிந்துள்ளது. இந்தியா டுடே தொலைக்காட்சி நிறுவனம் தேர்தலுக்கு பிந்தைய கருத்துக்கணிப்புகளை தமிழகத்திற்கான கணிப்புகளை வெளியிட்டுள்ளது.இதன் படி திமுக மற்றும் அதன் கூட்டணி கட்சிகள் 34 முதல் 38 இடங்களை வெல்லும் என தெரிவித்துள்ளது.
இதேபோல் அதிமுக மற்றும் அதன் கூட்டணி கட்சிகள் 0 முதல் 4 இடங்கள் மட்டுமே பெறும் என்றும் தெரிவிக்கப்பட்டுள்ளது.
இதனிடையே நாடு முழுவதுமான கருத்துக்கணிப்புகளில் பிரதமர் மோடி தலைமையிலான பாஜகவே மீண்டும் ஆட்சியை பிடிக்கும் என கூறப்பட்டுள்ளது.