வெப்பச்சலனம்.. மேலடுக்கு சுழற்சி.. தமிழகத்தில் கனமழைக்கு வாய்ப்பு.. வானிலை மையம் தகவல்!

சென்னை: மேலடுக்கு சுழற்சி மற்றும் வெப்பச்சலம் காரணமாக தமிழகத்தின் உள் மாவட்டங்களில் கன மழைக்கு வாய்ப்புள்ளதாக சென்னை வானிலை மையம் தெரிவித்துள்ளது.

தமிழகத்தின் பல இடங்களில் வெயில் வாட்டி வதைத்து வருகிறது. இருப்பினும் சில இடங்களில் அவ்வப்போது பரவலாக நல்ல மழை பெய்து வருகிறது.

இதனால் ஓரளவுக்கு வெப்பம் தணிந்துள்ளதால் மக்கள் மகிழ்ச்சியடைந்துள்ளனர். இந்நிலையில் மேலடுக்கு சுழற்சி மற்றும் வெப்பச்சலனம் காரணமாக தமிழகத்தின் உள் மாவட்டங்களில் ஓரிரு இடங்களில் கன மழைக்கு வாய்ப்புள்ளது என்று வானிலை மையம் தெரிவித்துள்ளது.

சென்னையில் வானம் மேகமூட்டத்துடன் காணப்படும் என்றும் மாலை நேரத்தில் லேசான மழைக்கு வாய்ப்பு என்றும் வானிலை மையம் தகவல் தெரிவித்துள்ளது. மேலும் கேரளாவில் தென் மேற்கு பருவமழை ஜூன் 6-ம் தேதி தொடங்கும் என்றும் சென்னை வானிலை ஆய்வு தெரிவித்துள்ளது.

English summary

Interior districts of Tamilnadu will get rains said Chennai Meteorological center.