• search
சென்னை அப்டேட்டுகளுக்கு
நோட்டிபிகேஷனை அனுமதி  

வாங்க வாங்க.. எல்லோரும் வாங்க.. தடபுடலாக தயாராகும் பாஜக.. கதி கலங்கி காணப்படும் கட்சிகள்!

|

சென்னை: தமிழக அரசியலில் ஒரு புது தகவல் றெக்கை கட்டி பறந்து வந்து கொண்டிருக்கிறது. எல்லா கட்சிகளின் சில "முன்னாள்கள்" பாஜக பக்கம் வரப் போகிறார்களாம்

பொதுவாக எந்த தேர்தல் நடந்தாலும், அதன் முடிவுகளை வைத்து ஒரு சில மாற்றங்கள், குறிப்பாக கட்சி தாவல்கள் இருப்பது இயல்பு. அந்த வகையில் தமிழகத்தில் எம்பி தேர்தல், வேலூர் தேர்தல், இடைத்தேர்தல் என்று 3 வகையான தேர்தல்கள் நடந்து முடிந்துள்ளன.

இதில் எம்பி தேர்தலின்போது, திமுகவுக்கு தேசிய அளவில் ஒரு அங்கீகாரம் கிடைத்தது. அதே சமயத்தில், சட்டசபை இடைத் தேர்தலில் தேவையான வெற்றியைப் பெற்று தமிழகத்தில் அதிமுக ஆட்சி தக்க வைத்தது.

அமித் ஷாவின் முயற்சிக்கு பலன் இல்லை.. முரண்டு பிடிக்கும் உத்தவ் தாக்கரே.. சிவசேனா புது பாய்ச்சல்!

நிர்வாகிகள்

நிர்வாகிகள்

யாரும் எதிர்பாராத வகையில் அமமுக படு தோல்வியை சந்தித்தது. இதனால், வலுவான இடத்தில் இருந்த அமமுகவின் பல நிர்வாகிகள் அதிமுக பக்கம் சாய்ந்து விட்டனர். சிலர் திமுகவை தேடி ஓடி விட்டனர். அதேபோல, நடந்து முடிந்த இடைத்தேர்தலிலும் அதிமுக தனது பலத்தை நிரூபித்துள்ளது.

முன்னாள்கள்

முன்னாள்கள்

இந்த நிலையில் தற்போது பாஜகவுக்கு அதிர்ஷ்டக் காற்று அடிக்கப் போகிறது. அதிமுக, திமுக, காங்கிரஸ் உள்ளிட்ட கட்சிகளின் அதிருப்தி பிரமுகர்கள் பலர் பாஜகவில் இணைய உள்ளதாக கூறப்படுகிறது. இப்படி இணைய முயல்பவர்கள் எல்லாம், பல தேர்தலில் சீட் கேட்டு கிடைக்காதவர்கள், கட்சி தலைமையால் கண்டுகொள்ளாமல் விடப்பட்டவர்கள், சில முன்னாள் பதவிக்காரர்கள் என லிஸ்ட்டில் உள்ளனராம்.

இந்துத்துவா

இந்துத்துவா

இவர்கள் மாற்று கட்சிக்கு போக பிடிக்காமல், பாஜகவை தேர்ந்தெடுத்துள்ளதாக கூறப்படுகிறது. திராவிட கட்சிகளில் இருந்து இந்துத்துவா கட்சிக்கு தாவ போகும் இந்த மூத்த தலைகளை வரவேற்க பாஜகவும் கூட ரெடியாகி விட்டதாக சொல்கிறார்கள். காரணம், இவர்களால் பாஜகவுக்கும் கூடுதல் பலம் கிடைக்கும் என்பதால். இதுபோக, பட்டியலின தலைவர்களையும் தன் பக்கம் இழுக்கும் வியூகத்தையும் பாஜக கையில் எடுத்துள்ளது.

கதி கலங்கும் கட்சிகள்

கதி கலங்கும் கட்சிகள்

அநேகமாக சென்னையில் அமித்ஷா தலைமையில் முன்னாள்கள் கட்சியில் இணையும் விழா நடக்க வாய்ப்புள்ளதாக சொல்கிறார்கள். வரும் சட்டசபைத் தேர்தலுக்கு மிகப் பெரிய அளவில் தயாராக திட்டமிட்டுள்ளது பாஜக. கட்சியினர் பெரும் உற்சாகத்துடன் உள்ளனர். வருகிற தேர்தலைப் பொறுத்தவரை தமிழகத்தில் திமுக மட்டுமே பாஜகவுக்கு பெரும் சவாலாக இருக்கிறது. எனவே அந்த கோட்டையைத் தகர்க்கும் திட்டங்களும் கைவசம் உள்ளதாம். இதனால் பாஜகவின் வியூகம் தெரியாமல் மற்ற கட்சிகள் பொறி கலங்கிப் போய் உள்ளனராம்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
It is said that a few former tn ministers, and mlas are joining the BJP soon in chennai
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more