பலருக்கும் அவர் நம்மவர்... எனக்கு நல்லவர் - கமலுக்கு வைரமுத்து பிறந்தநாள் வாழ்த்து
நடிகரும் மக்கள் நீதி மய்யம் கட்சி தலைவருமான கமல்ஹாசனுக்கு கவிஞர் வைரமுத்து பிறந்நாள் வாழ்த்து கூறியுள்ளார்.
சென்னை: பிறந்தநாள் என்பது சில மெழுகுவர்த்திகளை அணைப்பதல்ல சில தீபங்களை ஏற்றுவது, இருளைப் புறங்காண தீபங்கள் ஏற்றத் தெரிந்தவர் நண்பர் கமல்ஹாசன் என்று கவிஞர் வைரமுத்து தனது பிறந்த நாள் வாழ்த்தில் குறிப்பிட்டுள்ளார். பலருக்கும் அவர் நம்மவர், எனக்கு நல்லவர். வாழ்க என்று பதிவிட்டுள்ளார் வைரமுத்து.
நடிகரும் மக்கள் நீதி மய்யம் கட்சி தலைவருமான கமல்ஹாசன், தனது 66வது பிறந்தநாளை கொண்டாடி வருகிறார். தனது ரசிகர்களும், கட்சித்தொண்டர்களும் மக்கள் நலத்திட்டப்பணிகளை மேற்கொள்ள வேண்டும் என்று கேட்டுக்கொண்டுள்ளார்.
இன்றைய தினம் கட்சி அலுவலகத்திற்கு வந்து தொண்டர்கள், நிர்வாகிகளை சந்தித்த கமல்ஹாசன், அவர்களின் வாழ்த்துக்களை ஏற்றுக்கொண்டார். கமல்ஹாசனுக்கு பல்வேறு அரசியல் கட்சித்தலைவர்களும் வாழ்த்துக்களை பதிவிட்டு வருகின்றனர். கவிஞர் வைரமுத்து தனது ட்விட்டர் பக்கத்தில் கமலுக்கு வாழ்த்தினை பதிவிட்டுள்ளார்.
பிறந்தநாள் என்பது சில மெழுகுவர்த்திகளை அணைப்பதல்ல; சில தீபங்களை ஏற்றுவது.இருளைப் புறங்காண தீபங்கள் ஏற்றத் தெரிந்தவர் நண்பர் கமல்ஹாசன்.தொலைபேசியில் அழைத்து வாழ்த்தினேன். பலருக்கும் அவர் நம்மவர் எனக்கு நல்லவர். வாழ்க! என்று பதிவிட்டுள்ளார் வைரமுத்து.