நடு மண்டைல நெருப்பு பத்திக்கிச்சு.. பயப்படாதீங்க பயப்படாதீங்க.. அடுத்து நடந்ததை பாருங்க!
இளைஞர் ஒருவரின் புது ஹேர் ஸ்டைல் வீடியோ ஒன்றினை கார்த்தி சிதம்பரம் பதிவிட்டுள்ளார்
சென்னை: ஐயோ.. பத்திக்கிச்சு.. பத்திக்கிச்சு.. பாட்டுதான் ஞாபகத்துக்கு வருது. நடுமண்டையில ஒருத்தருக்கு நெருப்பு பத்திக்கிட்டு எரியுது!
அடிக்கடி சீரியஸ் விஷயங்கள் சம்பந்தமாக கார்த்தி சிதம்பரம் ட்வீட் போட்டு வந்தாலும், கலக்கல் வீடியோக்களையும் அடிக்கடி பதிவிடுவார்.
அப்படித்தான் டிக்டாக் வீடியோ ஒன்றை தனது ட்விட்டர் பதிவில் போட்டுள்ளார். அது ஒரு டிக்டாக் வீடியோ. சென்னையில் ஒரு சலூன் கடையில் ஒரு இளைஞர் முடி வெட்ட உட்கார்ந்திருக்கிறார். அவருக்கு ஏற்கனவே முடி வெட்டப்பட்டுள்ளது. பாதி மண்டையை வழித்து எடுத்து விட்டுள்ளனர். மீதி உள்ள மண்டையில் பட்டை பட்டையாக வகிடுகள், கோடுகள் என ஆங்காங்கே உள்ளன.
மருத்துவ படிப்புகளில் ராணுவ வீரர்களின் வாரிசுகளுக்கு முன்னுரிமை வழங்குங்கள்.. ஐகோர்ட் கிளை அதிரடி
முடி வெட்டி முடிக்கப்பட்டு, அந்த இளைஞர் எழுந்து விடுவார் என்று பார்த்தால், திடீரென நடு மண்டையில் குபுகுபுவென தீ பற்றி எரிகிறது. ஃபாஸ்ட் புட்-டில் அதிக நெருப்பில் ஃபிரைட் ரைஸ் செய்வார்களே.. அது மாதிரி நெருப்பு எரியும்போதே, வேகவேகமாக முடியை வாரி ஒரு ஷேப்புக்கு அந்த முடியை கொண்டு வருகிறார் சலூன் கடைக்காரர். இதுதான் ஃபினிஷிங் டச் போல!
This is from Spike a hairdresser in Eldorado, Chennai :) Never seen anything like this! pic.twitter.com/jCZl9SHjCj
— Karti P Chidambaram (@KartiPC) May 10, 2019
தன் தலைமுடி தன் கண் முன்னாடியே பற்றி எரிவதையும் அந்த இளைஞன் கண்ணாடியில் பார்த்து கொள்கிறார். என்ன ஒரு ஆச்சரியம் என்றால், இப்படி நெருப்பு எரிந்தும் ஒரு முடி கூட அந்த இளைஞருக்கு கருகவில்லை.
இந்த வீடியோவை போட்ட கார்த்தி சிதம்பரம் "இப்படி எங்கியுமே நான் பார்த்ததில்லை" என்று தெரிவித்துள்ளார். நாமளும்தான்!