Just In

"போடுறா வெடிய" கஸ்தூரி ஓவரா எக்ஸைட் ஆககூடாது.. வெடி நமத்து போச்சு.. வெடிக்காது.. ரஜினிக்கு செம கலாய்

ரஜினிகாந்த் அரசியல் பேச்சு குறித்து கஸ்தூரி ட்வீட் பதிவிட்டுள்ளார்

Updated: Thursday, March 12, 2020, 16:05 [IST]

சென்னை: "அரசியல் மாற்றம், ஆட்சி மாற்றம் இப்போது நிகழவில்லை எனில் எப்போதுமே நிகழாது" என்று ரஜினிகாந்த் பேசியதற்கு "போடுறாவெடிய" என்று கஸ்தூரி ஒத்த வார்த்தை ட்வீட் போட்டுள்ளார்.. உண்மையிலேயே கஸ்தூரி ரஜினி பேசியதை பாராட்டுகிறாரா, கிண்டல் செய்கிறாரா என தெரியாமல் குழம்பி போய் அவருக்கு பதிலளித்து வருகிறார்கள்.

Recommended Video

30 சதவீத பெண்கள்அறிவே இல்லாமல் ஓட்டு போடுறாங்க ... ரஜினி சர்ச்சை பேச்சு

காலையில் ரஜினிகாந்த் அரசியல் குறித்து பேசினார்.. அதிமுக, திமுகவை சரமாரி விமர்சித்தவர், இறுதியில் ஆட்சி மாற்றம் வேண்டும் என்றும் தெரிவித்திருந்தார்.

ரஜினிகாந்த் பேச்சு குறித்து சீமான் உட்பட பலரும் கருத்துதெரிவித்து வருகின்றனர்.. அந்த வகையில் நடிகை கஸ்தூரி ஒரு ட்வீட் போட்டுள்ளார்.. வழக்கமாக எதையுமே விலாவாரியாக சொல்பவர் இந்த ட்வீட்டில் மட்டும் ஒரே வார்த்தையோடு முடித்து கொண்டுள்ளார்.

அதில், "அரசியல் மாற்றம், ஆட்சி மாற்றம் இப்போது நிகழவில்லை எனில் எப்போதுமே நிகழாது -ரஜினிகாந்த் அதிரடி என்று குறிப்பிட்டு "போடுறாவெடிய " என்ற வார்த்தையை பதிவிட்டுள்ளார். எதனால் கஸ்தூரி இப்படி சொன்னால் என தெரியவில்லை.. ரஜினியை பாராட்டி சொன்னதாகவே இதன் அர்த்தம் எடுத்து கொள்ளப்பட்டுள்ளதாகவே தெரிகிறது.

இதையடுத்து ட்விட்டர்வாசிகள் கஸ்தூரிக்கு அட்வைஸ் தெரிவித்தும், கருத்து சொல்லியும் வருகின்றனர்.. "கஸ்தூரி ஓவரா எக்ஸைட் ஆக கூடாது அது உடம்புக்கு நல்லது இல்லை.. அந்த ஆளு சொன்னதோட அர்த்தமென்னன்னு தெரியுமா? தமிழ்நாடு மொத்த மக்களும் போயி அய்யா எங்களுக்கு அரசியல் மாற்றம் வேணும் நீங்க வாங்கன்னு கெஞ்சணுமின்னு எதிர்பாக்குறது போல தெரியுது கொள்கைன்னு என்னமோ பிதற்றுவது என்னன்னு தெரியுமா" என்கிறார் ஒருவர்.

மற்றொருவரோ, "இந்தம்மா ரஜினி பேசுனதுல கடைசி ரெண்டு வரிய மட்டும் கேட்டுட்டு வந்து வெடிய போட சொல்லுதே... ஆனால் தலைவர் பேச ஆரம்பிச்சப்பவே ரசிகர்கள் தலையில் வெடிய போட்டுட்டாரே....அதை யாராச்சும் புரிய வைங்கய்யா.." என்று பதிவிட்டுள்ளார்.

இன்னொருவர் "வெடி நமத்து போச்சு, வெடிக்கவே வெடிக்காது" என்றும், "என்னத்த சொல்லிட்டாருன்னு இப்படி குதிக்குறீங்க?? நான் அரசியலுக்கு வரமாட்டேன்னு இப்படி சுத்தி குழப்பி அடிச்சு இருக்கார்.. அவ்வளோ தான்.." என்று கஸ்தூரிக்கு புரிய வைக்கிறார்.