Just In

வெப்ப அலைக்கு பேரு என்ன தெரியுமா? தமிழ்நாட்டுக்கு மஞ்சள் அலர்ட்! மேற்கு வங்கத்திற்கு ரெட் அலர்ட்!
சிறகடிக்க ஆசை: முத்துவால் மாட்டும் ஜீவா.. போலீஸ் ஸ்டேஷனில் இப்படி ஆகிடுச்சே.. மனோஜ் சொன்ன வார்த்தை
கேமரா வந்துடுச்சு! இனி யார் கண்ணில் இருந்தும் தப்பிக்க முடியாது! சென்னை போலீஸ் கொண்டு வந்த புது ரூல்
அரசு பேருந்து கண்டக்டர் பறந்து விழுந்த விவகாரம்.. “அதிமுக ஆட்சி தான் காரணம்”.. சொல்வது அமைச்சர்!
என்றுதான் செந்தில் பாலாஜிக்கு சிறையிலிருந்து விடிவு பிறக்குமோ? ஏப்.30 வரை நீதிமன்ற காவல் நீட்டிப்பு!
முட்டையை உடைத்து ஆப்ஃபாயில் போடாதீங்க! போலீஸ் பிடிக்கும்.. சேலத்தில் நடந்ததை பாருங்க

இம்ரான் கானிடம் பாடம் கற்க வேண்டும்.. குஷ்பு அதிரடி டிவீட்.. கிளம்பியது சூடான விவாதம்

இம்ரான் கானுக்கு வாழ்த்து தெரிவித்து குஷ்பு ட்வீட் ஒன்றினை பதிவிட்டுள்ளார்.

Updated: Friday, March 1, 2019, 13:37 [IST]

விடுவிக்க முடிவு

அபிநந்தனை விடுவிக்க பல்வேறு தரப்பில் இந்தியாவும், இந்தியாவுக்கு ஆதரவாக பல்வேறு நாடுகளும் குரல் கொடுத்தன. இதன் விளைவாக, நல்லெண்ண அடிப்படையிலும், அமைதியை விரும்பும் நோக்கத்திலும், வீரரை இன்று விடுவிப்பதாக பாகிஸ்தான் பிரதமர் இம்ரான் கான் அறிவித்திருந்தார். இது அனைத்து தரப்பினருக்கும் மகிழ்ச்சியை ஏற்படுத்தியது.

இம்ரான்கான்

இந்நிலையில், புல்வாமா போரில் பாஜக அரசியல் ஆதாயம் தேடி வருகிறது என்று எதிர்க்கட்சிகள் விமர்சித்து வரும் வேளையில், காங்கிரஸ் செய்தி தொடர்பாளர் குஷ்பு, இம்ரான்கானுக்கு நன்றி தெரிவித்து ட்வீட் போட்டுள்ளார். அந்த ட்வீட்டில் இம்ரான் கானிடம் பிரதமர் மோடி பாடம் கற்க வேண்டும் என்றும் பதிவிட்டுள்ளது இப்போது சர்ச்சையை ஏற்படுத்தி உள்ளது.

Is there anything to learn from @ImranKhanPTI ??? A lesson must for our PM @narendramodi
— KhushbuSundar..A proud INDIAN despite bng a Muslim (@khushsundar) February 28, 2019

பிரதமர் மோடி

"பாகிஸ்தான் பிரதமர் இம்ரான் கானிடமிருந்து கற்றுக் கொள்வதற்கு ஏதேனும் உள்ளதா? நம் பிரதமருக்கு ஒரு பாடம் மிகவும் முக்கியம்' என்று ஒரு பதிவில் குறிப்பிட்டுள்ளார்.

Dear #WingCommanderAbhinandan we look forward to your homecoming.. thank you @ImranKhanPTI Saab for the kind gesture.
— KhushbuSundar..A proud INDIAN despite bng a Muslim (@khushsundar) February 28, 2019

ஆவல்

இதேபோல இன்னொரு ட்வீட்டில், "விங் கமாண்டர் அபிநந்தன் அவர்களே.. நீங்கள் தாய்நாட்டுக்கு திரும்புவதை நாங்கள் ஆவலுடன் எதிர்பார்த்து காத்திருக்கிறோம். இம்ரான் கானின் அன்பான செய்கைக்கு நன்றி" என்று பதிவிட்டுள்ளார்.

காழ்ப்புணர்ச்சி

குஷ்புவின் இந்த இரண்டு ட்வீட்களுக்கும் ஆதரவும் எதிர்ப்பும் சரிசமமாக வந்தாலும், கண்டனங்கள் கொஞ்சம் அதிகமாகவே எழுந்திருக்கிறது. பாஜக மீதான தன்னுடைய காழ்ப்புணர்ச்சியை வெளிப்படுத்த இன்னொரு நாட்டை புகழ்வதா என்ற கேள்வி எழுந்துள்ளது. பிரதமர் மீது குஷ்புக்கு தனிப்பட்ட விருப்பு, வெறுப்பு இருந்தாலும், அதற்காக பாகிஸ்தானை புகழ வேண்டுமா என்றும் குஷ்பு கருத்துக்கு எதிர்ப்பு எழுந்துள்ளது.

அறிவுறுத்தல்

"வீரரை இன்று திருப்பி அனுப்புவது இந்தியாவின் வெற்றிதான்.. இந்தியாவுக்கு அடிபணிந்துதான் பாகிஸ்தான் இந்த நடவடிக்கையை எடுத்துள்ளது. அதனால் இதை நாட்டின் வெற்றியாக பார்க்கவேண்டுமே தவிர, பாகிஸ்தான் சார்பாக நின்று பார்க்க கூடாது" என்றும் அறிவுறுத்தி உள்ளனர்.

யாரிடம் பாடம் கற்பது?

"காங்கிரஸ் ஆட்சியின்போது, பாகிஸ்தான் நம் இந்திய வீரரை பிடித்து வைத்து கொண்டால், கண்டிப்பாக சித்ரவதை செய்து, முகங்களை சிதைத்து, தலையையே துண்டித்தது. ஆனால் இப்போது சிறைபிடித்த 2-வது நாளே விடுவிக்கிறது என்றால், அதற்கு என்ன காரணம், யார் காரணம் என்பதை குஷ்பு எண்ணி பார்க்க வேண்டும் என்றும், யார் யாரிடம் பாடம் கற்பது" என்றும் கேள்விகளால் நெட்டிசன்கள் துளைத்தெடுத்து வருகிறார்கள்.