சிபிஎம் கட்சியின் கோவை, மதுரை வேட்பாளர்கள்.. களமிறங்கும் பி.ஆர் நடராஜன், சு.வெங்கடேசன்!
சென்னை: லோக்சபா தேர்தலில் திமுக கூட்டணியில் மார்க்சிஸ்ட் கம்யூனிஸ்ட் கட்சி போட்டியிடும் கோவை, மதுரை தொகுதிகளுக்கான வேட்பாளர்கள் தற்போது அறிவிக்கப்பட்டு இருக்கிறார்கள்.
லோக்சபா தேர்தலில் திமுக கூட்டணியில் எந்த கட்சிகள் எங்கு போட்டியிடும் என்று அறிவிக்கப்பட்டு இருக்கிறது. மொத்தம் 20 தொகுதிகளில் திமுக போட்டியிடுகிறது. மீதமுள்ள 20 தொகுதிகளில் மற்ற கூட்டணி கட்சிகள் போட்டியிடுகிறது.
சிறுபான்மையினர் நலன் உட்பட பல்வேறு அசத்தல் வாக்குறுதிகள்.. வெளியானது பாமக தேர்தல் அறிக்கை
திமுக இந்த தகுதி பங்கீடு குறித்த அறிவிப்பை இன்று காலைதான் வெளியிட்டது. அதன்படி திமுக கூட்டணியில் மார்க்சிஸ்ட் கம்யூனிஸ்ட் கட்சி கோயம்புத்தூர் மற்றும் மதுரை தொகுதிகளில் போட்டியிடுகிறது.
தற்பொழுது திமுக கூட்டணியில் மார்க்சிஸ்ட் கம்யூனிஸ்ட் கட்சி போட்டியிடும் கோவை, மதுரை தொகுதிகளுக்கான வேட்பாளர்கள் தற்போது அறிவிக்கப்பட்டு இருக்கிறார்கள். இதற்கான அறிவிப்பை சிபிஎம் மாநில செயலாளர் கே. பாலகிருஷ்ணன் வெளியிட்டார்.
மார்க்சிஸ்ட் கம்யூனிஸ்ட் கட்சி சார்பாக கோவையில் பி.ஆர் நடராஜன் போட்டியிடுகிறார். இவர் கோவை மக்களவை தொகுதி முன்னாள் எம்பி ஆவார். அங்கு மக்கள் மத்தியில் அதிகம் பிரபலமான கம்யூனிஸ்ட் தலைவர் இவர்.
மதுரையில் மார்க்சிஸ்ட் கம்யூனிஸ்ட் கட்சி சார்பாக எழுத்தாளர் சு.வெங்கடேசன் போட்டியிடுகிறார். இவர் பல்வேறு தொடர்களை எழுதிய பிரபல எழுத்தாளர் என்பது குறிப்பிடத்தக்கது. இவர் தமிழ் தொடர்பாக நிறைய ஆராய்ச்சிகளை செய்து இருக்கிறார்.