அதிமுகவை வீழ்த்திய ஸ்டாலின்.. தேசியஅளவில் முக்கிய கட்சியாக உருவெடுக்கும் திமுக
லோக்சபா தேர்தலில் அதிக இடங்களில் வெற்றிபெறுவதன் மூலம் இந்தியாவில் நான்காவது மிகப்பெரிய கட்சியாக திமுக உருவெடுக்க உள்ளது.
Recommended Video
சென்னை: லோக்சபா தேர்தலில் அதிக இடங்களில் வெற்றிபெறுவதன் மூலம் இந்தியாவில் நான்காவது மிகப்பெரிய கட்சியாக திமுக உருவெடுக்க உள்ளது.
லோக்சபா தேர்தல் முடிவுகள் வெளியாகி வருகிறது. காங்கிரஸ் கட்சி நினைத்து பார்க்க முடியாத தோல்வியை நோக்கி சென்று கொண்டு இருக்கிறது.
காங்கிரஸ் மட்டுமில்லாமல் காங்கிரஸ் கூட்டணியை சேர்ந்த கட்சிகளும் மோசமாக தோல்வியை நோக்கி சென்று கொண்டு இருக்கிறது.
எத்தனை இடங்கள்
இதுவரை வெளியான நிலவரங்களின்படி காங்கிரஸ் கூட்டணி 91 இடங்களில் முன்னிலை வகிக்கிறது. பாஜக கூட்டணி 342 இடங்களில் முன்னிலை வகிக்கிறது. மற்ற மாநில கட்சிகள் 110 இடங்களில் முன்னிலை வகிக்கிறது.
கூட்டணி கட்சிகள் இல்லை
இதில் காங்கிரஸ் கட்சியின் கூட்டணி கட்சிகள் பெரிதாக எங்குமே வெற்றிபெறவில்லை. அதேபோல் மாநில கட்சிகளும் எங்கும் பெரிய அளவில் வெற்றிபெறவில்லை. பகுஜன் சமாஜ் - சமாஜ் வாதி 25 இடங்களை கூட சேர்ந்து தாண்டவில்லை.
திமுக மட்டுமே
இதனால் லோக்சபா தேர்தலில் அதிக இடங்களில் வெற்றிபெறுவதன் மூலம் இந்தியாவில் மூன்றாவது அல்லது நான்காவது மிகப்பெரிய கட்சியாக திமுக உருவெடுக்க உள்ளது. தற்போது திமுக 20 இடங்களில் 19 இடங்களில் முன்னிலை வகிக்கிறது. இதனால் காங்கிரசுக்கு அடுத்து திமுக பெரிய கட்சியாக உருவெடுக்கும் நிலை ஏற்பட்டுள்ளது.
சிறப்பு
அதே போல் திரிணாமுல் காங்கிரஸ் கட்சி, மேற்கு வங்கத்தில் 19 இடங்களில் முன்னிலை வகிக்கிறது. இதனால் திமுக , திரிணாமுல் இடையே பெரிய கட்சிக்கான போட்டி நிலவி வருகிறது. ஆனால் மேற்கு வங்கத்தில் திரிணாமுல் மேலும் பின்னடைவை சந்திக்க வாய்ப்புள்ளது என்று கூறுகிறார்கள்.