தமிழகத்தில் திமுக கூட்டணிக்கே வெற்றி.. அதிமுக 2ம் இடம்.. நியூஸ் 18 தமிழ்நாடு கருத்து கணிப்பு!
நியூஸ் 18 தமிழ்நாடு தொலைக்காட்சி எக்ஸிட் போல் கருத்துக் கணிப்பில் தமிழகத்தில் திமுகவுக்கு வெற்றி கிடைக்கும் எனத் தெரிவிக்கப்பட்டுள்ளது.
Recommended Video
சென்னை: நியூஸ் 18 தமிழ்நாடு தொலைக்காட்சி எக்ஸிட் போல் கருத்துக் கணிப்பில் தமிழகத்தில் திமுகவுக்கு வெற்றி கிடைக்கும் எனத் தெரிவிக்கப்பட்டுள்ளது.
தமிழகத்தில் லோக்சபா தேர்தலுடன் சேர்த்து 22 தொகுதிகளுக்கான சட்டசபை இடைத்தேர்தல் நடந்து முடிந்துள்ளது. மொத்தம் 38 லோக்சபா தொகுதிகளுக்கு தமிழகத்தில் தேர்தல் நடந்தது.
கடந்த ஏப்ரல் 11ம் தேதி லோக்சபா தேர்தல் தொடங்கியது. அதன்பின் வரிசையாக 7 கட்டங்களாக தேர்தல் நடைபெற்றது. தேர்தல் முடிந்துள்ளதால் தேர்தலுக்கு பிந்தைய கருத்து கணிப்புகள் வெளியாகி உள்ளது.
வெற்றி யாருக்கு
இந்த நிலையில் தமிழக தேர்தல் முடிவுகள் நிலவரம் குறித்து நியூஸ் 18 தமிழ்நாடு வெளியிட்ட தேர்தலுக்கு பிந்தைய கருத்து கணிப்புகள் வெளியாகி உள்ளது. அதன்படி தமிழகத்தில் திமுகவுக்கு வெற்றி கிடைக்கும் எனத் தெரிவிக்கப்பட்டுள்ளது. தமிழகத்தில் திமுக பெரிய கட்சியாக உருவெடுக்கும்.
திமுக எப்படி
திமுக கூட்டணிக்கு 38 இடங்களில் மொத்தம் 22 முதல் 24 இடங்கள் வரை கிடைக்கும்.அதில், தி.மு.க 12-14 தொகுதிகளிலும், காங்கிரஸ் 3-5 தொகுதிகளிலும் வெற்றி பெறும் என்று தெரிகிறது. காங்கிரஸ் 10ல் 7 இடங்கள் வரை தோற்க வாய்ப்புள்ளது.
அதிமுக எப்படி
அதிமுகவின் மெகா கூட்டணிக்கு 14 முதல் 16 இடங்கள் வரை கிடைக்கும் எனத் தெரிவிக்கப்பட்டுள்ளது. அ.தி.மு.க 8-10 தொகுதிகளிலும், பா.ஜ.க 1-2 தொகுதிகளிலும், பா.ம.க 2-4 தொகுதிகளிலும், தே.மு.தி.க 1-2 தொகுதிகளிலும் வெற்றி பெறும் என்று கருத்து கணிப்பில் தெரியவருகிறது.
கிடையாது
மக்கள் நீதி மய்யம், நாம் தமிழர், அமமுக கட்சிகளுக்கு ஒரு இடம் கூட கிடைக்காது என்று கூறப்பட்டுள்ளது. இதன் மூலம் தமிழகத்தில் திமுக பெரிய கட்சியாக மீண்டும் கம்பேக் கொடுக்க போகிறது.