ரஜினிகாந்த் கட்சி தொடங்குவார்... நேற்றே தீர்மானம் நிறைவேற்றிய கோவை மக்கள் மன்ற நிர்வாகிகள்
சென்னை: நடிகர் ரஜினிகாந்த் எப்படியும் அரசியல் கட்சியை தொடங்குவார் என நம்பிக்கையுடன் கோவை மக்கள் மன்ற நிர்வாகிகள் நேற்றைய ஆலோசனை கூட்டத்தில் தீர்மானம் நிறைவேற்றினர்.
2017-ல் போர் வரும் போது களம் காண்போம் என அரசியலுக்கு பிள்ளையார் சுழி போட்டார் ரஜினிகாந்த். ஆனால் இதுவரை அரசியல் கட்சியை ரஜினிகாந்த் தொடங்கவில்லை.
ரஜினிகாந்த் இனியும் அரசியல் கட்சி தொடங்குவதற்கு வாய்ப்பே இல்லை என கூறப்பட்டது. இந்த நிலையில் சென்னையில் மக்கள் மன்ற நிர்வாகிகளை நடிகர் ரஜினிகாந்த் இன்று சந்தித்து பேசுகிறார்.
இதனை முன்னிட்டு கோவையில் ரஜினிகாந்த் மக்கள் மன்ற நிர்வாகிகள் ஆலோசனைக் கூட்டம் நடைபெற்றது. இதில் திங்களன்று ரஜினிகாந்த் அரசியல் கட்சியை தொடங்கும் அறிவிப்பை வெளியிடுவார் என ஒருதீர்மானத்தை நிறைவேற்றி இருக்கின்றனர்.
1996 திமுக- தமாகா ஆதரவு முதல் 2019 லோக்சபா தேர்தல் வரை... ரஜினிகாந்தின் அரசியல் பாதை
மேலும் ரஜினிகாந்த் அரசியல் கட்சி தொடங்கினால் கோவையில் உள்ள 10 சட்டசபை தொகுதிகளிலும் தீவிரமான தேர்தல் பணியாற்றுவது என முடிவு செய்திருப்பதாகவும் ரஜினி மக்கள் மன்றத்தினர் தெரிவித்தனர்.