• search
சென்னை அப்டேட்டுகளுக்கு
நோட்டிபிகேஷனை அனுமதி  

தமிழகத்தின் மூத்த தலைவர்.. டாக்டர் ராமதாசுக்கு இன்று பிறந்தநாள்.. எடப்பாடியார், ஸ்டாலின் வாழ்த்து

|

சென்னை: பாமக நிறுவனர் ராமதாஸின்இன்று தனது 81வது பிறந்தநாளையொட்டி முதல்வர் எடப்பாடி பழனிச்சாமி, துணை முதல்வர் மு.க.ஸ்டாலின் உள்ளிட்ட பல்வேறு கட்சி தலைவர்களும் வாழ்த்து தெரிவித்துள்ளனர்.

அரசியல்பாகுபாடு இல்லாமல், தமிழகத்தின் மூத்த அரசியல் தலைவர்களில் ஒருவரான ராமதாசுக்கு வாழ்த்துக்கள் குவிந்துள்ளன.

தமிழக முதல்வர் எடப்பாடி பழனிசாமி ராமதாசை, தொலைபேசியில் தொடர்பு கொண்டு பிறந்தநாள் வாழ்த்துக்களை தெரிவித்துள்ளார்.

கியரை மாற்றிய அதிமுக.. அமைப்பு ரீதியாக மாவட்ட பிரிப்பு! செயலாளர்கள் நியமனம்.. ஓபிஎஸ்-எடப்பாடி அதிரடி

முதல்வர் வாழ்த்து

முதல்வர் வாழ்த்து

பின்னர், தனது ட்விட்டர் பக்கத்தில், "இன்று 81வது பிறந்தநாள் காணும் பாட்டாளி மக்கள் கட்சியின் நிறுவனரும், மூத்த அரசியல்வாதியுமான மருத்துவர் ராமதாஸ் அவர்கள் நீண்ட ஆயுளுடனும், நல்ல ஆரோக்கியத்துடனும், வளமும் நலமும் பெற்று நீடூழி வாழ எல்லாம் வல்ல இறைவனை பிரார்த்திப்பதாக தொலைபேசி மூலம் வாழ்த்து தெரிவித்தேன்" என்று கூறியுள்ளார்.

ஓபிஎஸ் வாழ்த்து

ஓபிஎஸ் வாழ்த்து

துணை முதல்வர் ஓ.பன்னீர்செல்வமும், தொலைபேசியில் ராமதாசை தொடர்பு கொண்டு பிறந்த நாள் வாழ்த்து தெரிவித்துள்ளார். பிறகு, டுவிட்டர் பக்கத்தில், கூறுகையில், இன்று பிறந்தநாள் காணும் பாட்டாளி மக்கள் கட்சி நிறுவனரும், மூத்த அரசியல் தலைவருமான மருத்துவர் திரு ச.இராமதாசு அவர்கள் நல்ல உடல்நலத்துடனும், நீண்ட ஆயுளுடனும் மகிழ்ச்சியுடனும் பல்லாண்டு வாழ எனது உளமார்ந்த இனிய பிறந்தநாள் நல்வாழ்த்துகளை அன்போடு தெரிவித்துக் கொள்கிறேன் என்று தெதரிவித்துள்ளார்.

ஸ்டாலின் வாழ்த்து

ஸ்டாலின் வாழ்த்து

பாமக மற்றும் அதிமுக ஆகியவை கூட்டணி கட்சிகள். ஆனால், பிரதான எதிர்க்கட்சியான திமுகவின், தலைவர் ஸ்டாலினும், ராமதாசுக்கு வாழ்த்துக்களை டுவிட்டர் மூலம் கூறியுள்ளார். ஸ்டாலின் கூறுகையில், இன்று 81 ஆவது பிறந்தநாள் கொண்டாடும் பாட்டாளி மக்கள் கட்சியின் நிறுவனத் தலைவர் மருத்துவர் அய்யா ராமதாஸ் அவர்களை அன்புடன் வாழ்த்துகிறேன். உடலும் உள்ளமும், நலமும் திடமும் கொண்டு நீண்டகாலம் வாழ வாழ்த்துகிறேன்! இவ்வாறு கூறியுள்ளார்.

நலத்திட்ட உதவிகள்

நலத்திட்ட உதவிகள்

ராமதாஸ் பிறந்தநாளை முன்னிட்டு லாஸ்பேட்டை தொகுதி பாமக இளைஞர் அணி சார்பில் மதிய உணவு நலத்திட்ட உதவிகள் வழங்கப்பட்டது. வடக்கு பகுதி மாநில இளைஞரணி துணை தலைவர் மகேந்திரன் தலைமையில் நடைபெற்ற நிகழ்ச்சியில் சிறப்பு விருந்தினராக மண்டல செயலாளர் சிவா கலந்துகொண்டு ஏழை எளிய மக்களுக்கு மதிய உணவினை வழங்கினார்.

வரன் தேடுகிறீர்களா? தமிழ் மேட்ரிமோனியில் இன்றே பதிவு செய்யுங்கள் - பதிவு இலவசம்!

 
 
 
English summary
Many political leaders including DMK chief MK Stalin greets PMK founder Ramadoss on his birth day.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X