குசும்புக்கு அளவே இல்லையாப்பா.. மு.க. அழகிரி பெயரில் ஆன்லைன் திமுக உறுப்பினர் அட்டை!
சென்னை: திமுகவின் ஆன்லைன் உறுப்பினர் சேர்க்கையில் சில குசும்பர்கள் அக்கட்சியில் இருந்து நீக்கப்பட்ட முன்னாள் மத்திய அமைச்சர் மு.க. அழகிரி பெயரில் அட்டை பெற்று சமூக வலைதளங்களில் வைரலாக்கி வருகின்றனர்.
எல்லோரும் நம்முடன் என்ற தலைப்பில் திராவிட முன்னேற்றக் கழகம் இணையவழி உறுப்பினர் சேர்க்கையை மேற்கொண்டு வருகிறது. கடந்த 8 நாட்களில் புதியதாக 2,93,355 பேர் உறுப்பினர்களாக சேர்க்கப்பட்டுள்ளனர்.
மேகதாது அணை: தமிழகத்துக்கு எந்த கெடுதலையும் செய்யமாட்டேன்... திமுக எம்.பிக்களிடம் மோடி உறுதி
ஆன்லைன் உறுப்பினர்கள் சேர்க்கை
புதியதாக ஆன்லைனில் 28,593 பேர் திமுக உறுப்பினர்களாகி உள்ளனர். இணையவழி உறுப்பினர் சேர்க்கை முகாம்களை மாநிலம் முழுவதும் திமுகவினர் நடத்தி வருகின்றனர்.
குசும்பன்ஸ் குறுக்குசால்
இத்தகைய கட்சிகளின் ஆன்லைன் உறுப்பினர் சேர்க்கையில் சில குசும்பர்கள் எப்போதும் குறுக்குசால் ஓட்டுவது வழக்கம்தான். இதனை தற்போது திமுகவின் ஆன்லைன் உறுப்பினர் சேர்க்கை முறையும் எதிர்கொண்டிருக்கிறது.
அழகிரிக்கும் உறுப்பினர் அட்டை
மறைந்த முன்னாள் முதல்வர் கருணாநிதியால் திமுகவில் இருந்து நீக்கப்பட்ட முன்னாள் மத்திய அமைச்சர் மு.க. அழகிரியின் பெயரில் ஆன்லைன் உறுப்பினர் அட்டையை சில குசும்பர்கள் பெற்றிருக்கிறார்கள். இப்போது இதனை சமூக வலைதளங்களிலும் வைரலாக்கி வருகின்றனர்.
அண்ணனை சேர்த்துட்டாங்களாம்..
அத்துடன் மு.க. அழகிரி ஆதரவாளர்கள், திமுகவில் மீண்டும் அண்ணனை இணைத்துக் கொண்டதற்கு நன்றி என கேப்ஷன்களுடன் இந்த படத்தை பகிர்ந்து வருகின்றனர். ஆன்லைனில் நெட்டிசன்கள் செய்யும் மரண பங்க விளையாட்டுகளுக்கு முடிவுகள்தான் எப்போது?