Click it and Unblock the Notifications
Don't Miss
-
புது ரூல்ஸ்.. தேர்தல் முடிந்ததும் அமல்.. இனி 24 மணி நேரம் தான்.. ரயில் டிக்கெட் சேவையில் 2 பெரிய மாற்றங்கள்! -
கோடையில் பால் கெட்டுப்போகாமல் இருக்க எளிய டிப்ஸ்..! -
Sivakarthikeyan: புல்லட்டைவிட வலிமையானது வாக்கு.. ஆப்ரஹாம் லிங்கன் வாசகத்தை கூறிய சிவகார்த்திகேயன்! -
தீபக் சஹர் காயத்தின் நிலை என்ன? ஷர்துல் தாக்கூருக்கு மீண்டும் வாய்ப்பா? சிஎஸ்கே பயிற்சியாளர் பதில்! -
போன தடவ சிவப்பு நிற சைக்கிள்.. இந்த முறை இன்னோவா கார்.. இந்த கார் வாயிலாக அவர் என்ன சொல்லியிருக்கார்? -
ஒரே நாளில் 4.2 கோடி சம்பாதித்த நாராயணமூர்த்தி-யின் 5 மாத பேரன்.. எப்படி..? -
சென்னையிலிருந்து சம்மர் ஸ்பெஷல் வந்தே பாரத் ரயில்கள் – திருச்சி, மதுரை, நாகர்கோவில்! -
பிளஸ்-2 படித்திருந்தால் போதும்...மத்தியஅரசு வேலை தயார்..!!
திமுக தலைவராக பொறுப்பேற்று சந்தித்த முதல் தேர்தல்.. கருணாநிதி இல்லாத நிலையிலும் ஸ்டாலின் சாதனை
Recommended Video
சென்னை: கருணாநிதி இல்லாத நிலையிலும் திமுக தலைவர் ஸ்டாலின் லோக்சபா தேர்தலில் அசத்தி காட்டிவிட்டார்.
கருணாநிதி உடல்நலம் பாதிக்கப்பட்டிருந்த போதிலிருந்தே கட்சிப் பணிகளில் ஈடுபடாமல் இருந்தார். அந்த சமயத்தில் ஆர் கே நகர் இடைத்தேர்தலில் அதிமுக, திமுக ஆகிய இரு கட்சிகளும் படுதோல்வியை தழுவியது.
ஜெயலலிதா இல்லாத நிலையில் அவரது தொகுதியை பிடிக்க தீவிரம் காட்டி வந்த நிலையில் இரு கட்சிகளும் படுதோல்வியை சந்தித்தது பெரும் அதிர்ச்சியை ஏற்படுத்தியது.
திமுக தலைவரான ஸ்டாலின்
இந்த நிலையில் கருணாநிதி கடந்த ஆண்டு வயது மூப்பு காரணமாக இயற்கை எய்தினார். இதையடுத்து திமுக தலைவராக முதல் முறையாக முக ஸ்டாலின் பொறுப்பேற்றார். அன்று முதல் தனது ஒவ்வொரு அடியையும் மிகவும் கவனத்துடன் எடுத்து வைத்து வருகிறார்.
சட்டசபை தேர்தல்
இந்த நிலையில் திமுக தலைவராக பொறுப்பேற்று முதல் முறையாக லோக்சபா தேர்தலையும் சட்டசபை இடைத்தேர்தலையும் அவர் சந்தித்தார். இதில் வேட்பாளர்களை தேர்வு செய்யும்போதும் மிகவும் கவனத்துடன் இருந்தார்.
விளைவு
நாடு முழுவதும் லோக்சபா தேர்தலுக்கான வாக்கு எண்ணிக்கை நடைபெற்று வருகிறது. இதில் தேசிய அளவில் பாஜக அதிக இடங்களில் முன்னிலை வகித்து வருகிறது. தமிழகத்தை பொருத்தமட்டில் 38 தொகுதிகளில் திமுக 35 தொகுதிகளிலும் அதிமுக 3 தொகுதிகளிலும் முன்னிலை வகித்து வருகிறது. இது பெரும் வெற்றியாகவே பார்க்கப்படுகிறது. தமிழக சட்டசபையில் திமுக 14 இடங்களிலும் அதிமுக 8 இடங்களிலும் வெற்றி பெற்றுள்ளது.
சாதித்த ஸ்டாலின்
கருணாநிதி இல்லாத போதிலும் திமுக தலைவராக கட்சியை வழிநடத்தி வரும் ஸ்டாலின் அபார சாதனை செய்துள்ளார். இதன் மூலம் திமுக நாடாளுமன்றத்தில் 5-ஆவது மிகப் பெரிய கட்சியாக திகழ்கிறது. எதிர்க்கட்சிகள் சொல்வதை போல் ஸ்டாலின் நாடாளுமன்றம், சட்டசபை இடைத்தேர்தல் என்ற இரு குதிரைகளில் கவனம் செலுத்தி சவாரி செய்தார்.
வெற்றி அறுவடை
கடந்த இரு தினங்களுக்கு முன்னர் ஸ்டாலின் தனது தொண்டர்களுக்கு கடிதம் ஒன்றை எழுதினார். அதில் வெற்றியை அறுவடை செய்யும் நேரத்தில் அதிக கவனம் தேவை என எச்சரிக்கை விடுத்து எழுதியிருந்தார். அதன்படி தற்போது அவர் வெற்றியை அறுவடை செய்து வருகிறார். எதிர்க்கட்சிகளின் விமர்சனம், முக அழகிரியின் சவால்கள் இவற்றையெல்லாம் கடந்த சாதனை நாயகனாக திகழ்கிறார் ஸ்டாலின்.
