• search
சென்னை அப்டேட்டுகளுக்கு
நோட்டிபிகேஷனை அனுமதி  

ஒரே நாளில்.. ஒரே கல்லில்.. 2 மாங்காய் அடித்த மு.க. ஸ்டாலின்.. பலே திமுக

|
    Stalin no confidence | சபாநாயகர் மீதான நம்பிக்கை இல்லா தீர்மானம் கிடையாது: ஸ்டாலின் அறிவிப்பு-வீடியோ

    சென்னை: இன்று மிக மிக முக்கியமான 2 விஷயங்களை திமுக செய்து முடித்துள்ளது. ஒரு முதிர்ச்சியான கட்சி தலைவராக மு.க.ஸ்டாலின் தன்னை மீண்டும் நிலைநிறுத்தி விட்டார் என்பதும் நிரூபணமாகி உள்ளது.

    முதலாவதாக, நம்பிக்கை இல்லா தீர்மானம் சம்பந்தப்பட்ட விஷயம். தேர்தல் முடிவுகள் வருவதற்கு முன்பே திமுக இது சம்பந்தமான ஒரு மனுவை தந்தது.

    இதனால் அரசியல் களம் தகிக்க ஆரம்பித்தது. ஆட்சியை கவிழ்க்க திமுக முயன்று தோற்றுள்ளதால், நம்பிக்கை இல்லா தீர்மானத்தை திமுக கொண்டு வர போவதாக பேசப்பட்டது. ஆனால் இன்று அதை கை விட்டு விட்டது.

    பாதிப்பு

    பாதிப்பு

    ஒரு சபாநாயகரை எதிர்த்து திமுகவுக்கு என்ன ஆகி விடப்போகிறது? இதனால் ஆட்சி மாற்றமோ, அல்லது ஆட்சிக்கு ஏதாவது பாதிப்போ வரப்போவதில்லை என்பதையும் நன்கு யோசித்து பார்த்துள்ளதாகவே தெரிகிறது.

    சர்ச்சை பேச்சுகள்

    சர்ச்சை பேச்சுகள்

    அதனால்தான் நம்பிக்கை இல்லா தீர்மானத்தை வலியுறுத்தப் போவதில்லை என்று சொல்லி உள்ளது. ஒரு பெரிய அரசியல் கட்சி, இப்படி, மனுவையும் அளித்துவிட்டு பின் வாங்கலாமா என்ற சர்ச்சை பேச்சுக்களும் எழுந்து வருகின்றன. "அன்று இருந்த சூழலில் அப்படி ஒரு நிலை எடுக்கவேண்டிய சூழலுக்கு தள்ளப்பட்டோம், தற்போது அது தேவையில்லை, என கருதுகிறோம்: என்று ஸ்டாலின் சொன்ன விளக்கம் சரியானதே. தனக்கு என்ன தேவையோ, தன்கட்சிக்கு எது அவசியமோ, அதைதான் ஸ்டாலின் செய்துள்ளதாகவே தெரிகிறது.

    தங்க தமிழ்செல்வன்

    தங்க தமிழ்செல்வன்

    அடுத்த மேட்டர்தான் அதிரடி.. தங்க தமிழ்செல்வனை உள்ளே கொண்டு வந்ததுதான். நடந்து முடிந்த தேர்தலில் தனது செல்வாக்கையும், வாக்கு வங்கியையும் உயர்த்தி கொண்ட திமுகவுக்கு, தென் மாவட்டங்களில் சற்று கூடுதல் பலம் தேவைப்படுகிறது. உள்ளாட்சி தேர்தல் முதல் சட்டமன்ற தேர்தல் வரை வரபோகிறது.

    செந்தில் பாலாஜி

    செந்தில் பாலாஜி

    இதற்கு கட்சியை பலப்படுத்துவதும், அதற்கு பலமான அடித்தளமிடுவதும் கட்டாய தேவையாகிறது. அதனால்தான் செந்தில்பாலாஜியை வைத்து உள்ளே இழுத்து போட்டு ஜோலியை முடித்ததுடன், அதிமுகவுக்கும் ஒரு கிலியை தந்து ஒரே கல்லில் ரெண்டு மாங்காயை அடித்துள்ளார் ஸ்டாலின் என்று அரசியல் நிபுணர்கள் கூறுகிறார்கள்.

    பலம் பெறும்

    பலம் பெறும்

    உண்மையில் முற்றிலும் நேர் மாறான இந்த இரு செயல்களிலும் ஒரு செய்தியும் உள்ளடங்கியுள்ளது. சபாநாயகருக்கு எதிரான தீர்மானத்தால் திமுகவுக்கும் சரி, மக்களுக்கும் சரி எந்த பாதிப்பும், நன்மையும் வந்து விடப் போவதில்லை. மாறாக, தங்க தமிழ்ச்செல்வனை இழுத்துள்ளதன் மூலம் தேனி மாவட்டத்தில் திமுக பலப்படும். கூடவே அதிமுக பலவீனப்படும் என்பதே அந்த செய்தி.

    இது திமுக கணக்கு.. மக்கள் கணக்கை தேர்தலின்போதுதான் அறிந்து கொள்ள முடியும். காத்திருப்போம்.

    திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

     
     
     
    English summary
    MK Stalin has taken two major activities like DMK Withdraw no confidence motion against Speaker and Thanga Tamil selvan has joined in DMK
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more