அடுத்த அதிரடி.. தமிழக காங்கிரஸ் கட்சிக்கு மேலும் ஒரு துணைத் தலைவர் நியமனம்!
சென்னை: தமிழக காங்கிரஸ் கட்சிக்கு மேலும் ஒரு செயல் தலைவராக மோகன் குமாரமங்கலம் நியமிக்கப்பட்டுள்ளார்.
தமிழக காங்கிரஸ் கமிட்டி தலைவராக இருந்த திருநாவுக்கரசரை, நீக்கிவிட்டு அவருக்கு பதில் கே.எஸ்.அழகிரி கடந்த சனிக்கிழமை நியமிக்கப்பட்டார். அப்போது, செயல் தலைவர்களாக வசந்த்குமார், ஜெயக்குமார், விஷ்ணு பிரசாத், மயூரா ஜெயக்குமார் ஆகியோரும் நியமிக்கப்பட்டு உள்ளனர் என் காங்கிரஸ் கட்சித் தலைமை தெரிவித்திருந்தது.
இந்த நிலையில், தமிழக காங்கிரஸ் கமிட்டியின் செயல் தலைவராக மோகன் குமாரமங்கலம் நியமனம் செய்யப்படுவதாக இன்று வெளியிட்டுள்ள அறிவிப்பில் காங்கிரஸ் கூறியுள்ளது.
இதனிடையே, டிவி சேனல் ஒன்றுக்கு பேட்டியளித்த கே.எஸ்.அழகிரி, திமுகவுடன் விரைவில் தொகுதிப் பங்கீடு குறித்து பேச்சுவார்த்தை நடத்தப்படும் என்றும்,
கடலூரில் நான் மீண்டும் போட்டியிடுவது குறித்து கட்சி தலைமை முடிவு செய்யும் என்றும் கூறியுள்ளார்.