மாபெரும் வெற்றி பெற்ற நண்பர் ஸ்டாலினுக்கு மனமார்ந்த வாழ்த்துக்கள்... ரஜினிகாந்த் ட்வீட்
சென்னை: மக்களவைத் தேர்தலில் திமுக தலைமையிலான கூட்டணி பெருவாரியான இடங்களை கைப்பற்றி உள்ள நிலையில், திமுக தலைவர் மு.க.ஸ்டாலினுக்கு நடிகர் ரஜினிகாந்த் வாழ்த்து தெரிவித்துள்ளார்.
542 தொகுதிகளில் தேர்தல் நடந்த நிலையில் பெரும்பான்மைக்கு 272 தொகுதிகள் தேவைப்படுகிறது. இந்தநிலையில், 300 க்கும் மேற்பட்ட இடங்களில் பாஜக தனித்து வெற்றி பெற்றுள்ளது. காங்கிரஸ் கட்சி கூட்டணி 85 க்கும் மேற்பட்ட இடங்களில் மட்டுமே முன்னிலை பெற்றுள்ளது.
பாஜகவின் இந்த வெற்றிக்கு காங்கிரஸ் கட்சித் தலைவர் ராகுல்காந்தி, ஸ்டாலின் உள்ளிட்ட அரசியல் கட்சித் தலைவர்கள் வாழ்த்து தெரிவித்துள்ளனர். பாகிஸ்தான், இலங்கை, சீனா உள்ளிட்ட நாடுகளின் பிரதமர்களும், பிரபலங்களும் மோடிக்கு தொடர்ந்து வாழ்த்துக்களை தெரிவித்து வருகின்றனர்.
Respected dear @narendramodi ji
— Rajinikanth (@rajinikanth) May 23, 2019
hearty congratulations ... You made it !!! God bless.
இந்தநிலையில், பாராளுமன்ற தேர்தலில் சாதித்து விட்டீர்கள் அன்புள்ள மோடிஜி, மனம் நிறைந்த வாழ்த்துக்கள், கடவுள் ஆசீர்வதிக்கட்டும் என்று டுவிட்டரில் மோடிக்கு நடிகர் ரஜினிகாந்த் வாழ்த்து தெரிவித்துள்ளார்.
தமிழகத்தில் இந்த தேர்தல் ரிசல்ட் ரொம்ப ரொம்ப வித்தியாசமானது.. பல வகையில் ஸ்பெஷலானது.. ஏன் தெரியுமா?
முன்னதாக, நதிநீர் இணைப்பை செயல்படுத்தும் கட்சிகே தங்களது ஆதரவு என்று ரஜினிகாந்த் மறைமுகமாக பாஜகவுக்கு ஆதரவு தெரிவித்ததாக அரசியல் விமர்சகர்கள் கூறியிருந்தனர். அந்த வகையில், காலையில் பாஜக 340 க்கும் மேற்பட்ட இடங்களில் முன்னிலை பெற்றவுடனே, வாழ்த்து செய்தியை வெளியிட்டார் ரஜினிகாந்த் என்பது குறிப்பிடத்தக்கது.
செம ட்விஸ்ட்.. யாருமே இதை கணிக்கவில்லை.. தமிழக அரசியலில் ஒரு அதிரடி திருப்பம்!
இதற்கிடையே, தமிழகத்தில் பாஜகவுக்கு பெரும் பின்னடைவு ஏற்பட்டுள்ளது. 37 இடங்களில் திமுக கூட்டணி முன்னிலை பெற்றுள்ளது.
பாராளுமன்ற தேர்தலில் மாபெரும் வெற்றி பெற்ற தி.மு.க தலைவர், மதிப்பிற்குரிய நண்பர் ஸ்டாலின் அவர்களுக்கு என் மனமார்ந்த வாழ்த்துக்கள்.
— Rajinikanth (@rajinikanth) May 23, 2019
இதனையடுத்து, பாராளுமன்ற தேர்தலில் மாபெரும் வெற்றி பெற்ற தி.மு.க தலைவர், மதிப்பிற்குரிய நண்பர் ஸ்டாலின் அவர்களுக்கு என் மனமார்ந்த வாழ்த்துக்கள் என நடிகர் ரஜினிகாந்த் ட்விட்டரில் வாழ்த்து தெரிவித்துள்ளார்.