அப்படியே விடுதலைப் புலிகளை நினைவூட்டும் துப்பாக்கி அணிவரிசை.. "விஜய்65" படத்தில் மாஸ் சீன்!
சென்னை: சன் பிக்சர்ஸ் கலாநிதி மாறனின் தயாரிப்பில் நடிகர் விஜய் நடிக்கும் 65-வது படம் குறித்த அதிகாரப்பூர்வ அறிவிப்பு இன்று வெளியானது. இந்த படத்தில் அறிவிப்பு சீன்களில் துப்பாக்கிகள் அணிவரிசையை லோகோ போல் காட்டுவது விடுதலைப் புலிகளை நினைவூட்டுவதாக இருக்கிறதே என்கின்றனர் நெட்டிசன்கள்.
நடிகர் விஜய்-ன் 65வது படத்தை சன்பிக்சர்ஸ் தயாரிக்கிறது. இதற்கான அறிவிப்பை இன்று மாலை 5 மணிக்கு அதிகாரப்பூர்வமாக சன்பிக்சர்ஸ் அறிவித்தது.
நெல்சன் இயக்கத்தில் அனிருத் இசையமைக்கும் இந்த படம் சன்பிக்சர்ஸ்-க்கே உரிய பிரமாண்ட படைப்பாக வரப் போகிறது என்பதை இந்த அறிவிப்பு தொடர்பான வீடியோ காட்சிகள் வெளிப்படுத்துகின்றன.
சன் டிவி அலுவலகத்தில் கலாநிதி மாறன், விஜய், நெல்சன் மூவரும் உரையாடும் காட்சியுடன் தொடங்கும் இந்த வீடியோவில் துப்பாக்கி குண்டு சீறுகிறது; கார்கள் உயரப் பறக்கின்றன என தொடங்கி முடியும் போது கலைத்துப் போட்ட துப்பாக்கிகளை லோகோ போல உருவாக்கி உள்ளனர்.
இந்த லோகோ வடிவத்தை பார்த்தால் துப்பாக்கி தோட்டாக்களை வட்ட வடிவில் வைத்து இருக்கும் தமிழீழ விடுதலைப் புலிகள் இயக்கத்தின் சாயல் தெரிகிறதே என கமெண்ட்டுகளை போட்டு வருகின்றனர் நெட்டிசன்கள்.