லால் சலாம்.. Thanks chetta.. luv u sir ..எல்லாமும் பினராயி விஜயனுக்கான பாராட்டுகள்- காரணம் #Periyar
சென்னை: தந்தை பெரியாரின் நினைவுநாளை நினைவு கூர்ந்து ட்விட்டரில் பதிவிட்ட கேரளா முதல்வர் பினராயி விஜயனுக்கு ட்வீட்டிஸ்டுகள் பாராட்டுகளை குவித்து வருகின்றனர்.
தந்தை பெரியாரின் 46-வது நினைவு நாள் இன்று அனுசரிக்கப்பட்டது. ட்விட்டரில் #Periyar ஹேஷ்டேக் காலை முதலே இந்திய அளவிலான டிரெண்டிங்கில் முதலிடம் பிடித்திருக்கிறது.
இந்த ஹேஷ்டேக்கில் தமிழ்நாட்டைச் சேர்ந்தவர்கள் மட்டுமின்றி பிற மாநிலத்தவரும் தந்தை பெரியாருக்கு புகழஞ்சலி செலுத்தி வருகின்றனர். இதில் கேரளா முதல்வர் பினராயி விஜயனும் தந்தை பெரியாருக்கு புகழ் வணக்கம் செலுத்தியுள்ளார்.
பினராயி விஜயனின் இந்த பதிவுக்கு தமிழர்கள் பலரும் நன்றி தெரிவித்து வருகின்றனர். இதில்தான் லால் சலாம்.. Thanks chetta.. luv u sir என்கிற நன்றி பெருமிதங்கள் வெளிப்படுத்தப்பட்டுள்ளன.
மேலும் தந்தை பெரியாரின் இன்றைய தேவை குறித்த கருத்துகள் இந்த ஹேஷ்டேக்கில் அதிகம் வலியுறுத்தப்பட்டுள்ளன. அதேபோல் பஞ்சாப்பில் நடைபெற்ற குடியுரிமை சட்ட திருத்தத்துக்கு எதிரான பேரணியில் தந்தை பெரியாரின் பதாகைகளையும் போராட்டக்காரர்கள் ஏந்தி இருந்ததையும் பலரும் பகிர்ந்து உள்ளனர்.