எப்போது எடுத்தது? மெடிக்கல் எமர்ஜென்சிக்கு பார்ம் ஹவுசா?.. ரஜினியின் இ-பாஸ்.. நெட்டிசன்கள் கேள்வி!
சென்னை: நடிகர் ரஜினிகாந்தின் இ பாஸ் இணையத்தில் வைரலாகி வரும் நிலையில் இது தொடர்பாக நெட்டிசன்கள் பலர் கேள்வி எழுப்பி வருகிறார்கள்.
நடிகர் ரஜினிகாந்த் தற்போது தேனாம்பேட்டையில் இருந்து கேளம்பாக்கம் செல்ல இ பாஸ் எடுத்து இருக்கிறார். தேனாம்பேட்டையில் இருக்கும் ராகவேந்திரா இல்லத்தில் இருந்து கேளம்பாக்கத்தில் இருக்கும் ஆர் கே பார்ம் ஹவுஸ் செல்ல அவர் இ பாஸ் விண்ணப்பித்து உள்ளார்.
இதற்கு மெடிக்கல் எமர்ஜென்சி என்று காரணம் கூறியுள்ளார். தன்னுடன் டிரைவர் ஒருவர் வருவதாக அவர் குறிப்பிட்டுள்ளார் . கடந்த வாரம் அவர் காரில் செல்லும் புகைப்படம் வைரலாகி உள்ள நிலையில் தற்போது அவரின் இ பாஸ் வெளியாகி உள்ளது .
மெடிக்கல் எமர்ஜென்சி.. தேனாம்பேட்டை டூ கேளம்பாக்கம்.. பண்ணை வீடு செல்ல இ - பாஸ் எடுத்த ரஜினிகாந்த்!
கேள்விகள்
இந்த நிலையில் நடிகர் ரஜினிகாந்தின் இ பாஸ் இணையத்தில் வைரலாகி வரும் நிலையில் இது தொடர்பாக நெட்டிசன்கள் பலர் கேள்வி எழுப்பி வருகிறார்கள். அதிகமாக உலா வரும் கேள்வி, ரஜினிகாந்த வெளியிட்டு இருக்கும் இ பாஸ், எந்த நாளுக்காக எடுக்கப்பட்டது, என்பது.
உண்மையில் அது இன்று கேளம்பாக்கம் செல்ல எடுக்கப்பட்ட இ பாஸா என்று கேள்வி எழுந்துள்ளது. அந்த இ பாஸில் 23ம் தேதி என்று உள்ளது. ஆனால் ரஜினி இன்று எங்கும் வெளியே செல்லவில்லை. இன்னொரு பக்கம் நடிகர் ரஜினிகாந்த் கடந்த 20 ம் தேதி கேளம்பாக்கம் சென்றதற்காக இ பாஸ் எடுக்கவில்லை என்று புகார் உள்ளது.
தொடர் சர்ச்சை
பழைய இ பாஸ் சர்ச்சையை சரி செய்ய ரஜினி இப்போது புதிய இ பாஸ் எடுத்து அதை ரஜினி வெளியே விட்டு இருக்கிறாரா என்று இணையத்தில் பலர் கேள்வி எழுப்பி உள்ளனர். அதாவது முன்பே காரில் சென்றுவிட்டு, இப்போது இ பாஸ் எடுத்து அதை இணையத்தில் வெளியிட்டு இருப்பதாக நெட்டிசன்கள் குற்றஞ்சாட்டி உள்ளனர். 20ம் தேதி ரஜினி இ பாஸ் எடுத்தாரா இல்லையா என்பது குறித்து இன்னும் சர்ச்சை நிலவி வருகிறது.
சரமாரி கேள்விகள்
அதேபோல் மெடிக்கல் எமர்ஜென்சிக்கு எதற்கு பண்ணை வீடு செல்ல வேண்டும். அங்கே என்ன மருத்துவ அவசரம் உள்ளது. இதற்கு எப்படி இ பாஸ் அனுமதி அளிக்கப்பட்டது, மெடிக்கல் அவசரம் என்றாலே மருத்துவமனைதானே செல்ல வேண்டும், இதற்கு என்ன ஆதாரம் கொடுக்கப்பட்டது என்றும் பலர் கேள்விகள் எழுப்பி உள்ளனர்.
கட்டணமில்லை
இன்னொரு பக்கம் ரஜினியின் காருக்கு பழைய செல்லான் காட்டவில்லை என்ற புகாரும் வைக்கப்பட்டுள்ளது . அவர் தனது காருக்கான 100 ரூபாய் செல்லானை செலுத்தவில்லை என்று புகார் உள்ளது. ரஜினி வெளியிட்ட இ பாசில் இருக்கும் QR Codeயை சோதனை செய்தால், அதில் அவரின் அனைத்து விவரமும் அடங்கி இருப்பது கண்டுபிடிக்கப்பட்டுள்ளது. இந்த செல்லான் விவரமும் அவரின் இன்னோவா கார் நம்பர் மூலம் கண்டுபிடிக்கப்பட்டடுள்ளது.
தவறு செய்துவிட்டார்
அதேபோல் ரஜினிகாந்த் தனது இ பாஸின் QR Codeயை வெளியிட்ட காரணத்தால் அவரின் ஆதார் கார்டு விவரங்கள் வெளியாகி உள்ளது. ரஜினியின் போன் எண்ணும் இதை வெளியாகி இருப்பது சர்ச்சையாகி உள்ளது. இணையம் மூலம் அவரின் தனிப்பட்ட தகவல்கள் வெளியாகி உள்ளதை பலர் கிண்டல் செய்து வருகிறார்கள்.