ஏழாம் அறிவு, காப்பானை தொடர்ந்து கஜினி,. அசின் வரைக்கும் நாஸ்டர்டாமஸ் கணிப்பு.. நெட்டிசன்கள் அழும்பு
சென்னை: சூர்யாவின் ஏழாம் அறிவு, காப்பான் படத்தில் வந்தததை போலவே நிஜத்தில் நடந்த நிலையில், நெட்டிசன்கள் நாஸ்டர்டாமஸ் கணிப்புகளை சூர்யாவின் ஒவ்வொரு படம் குறித்து ஆராய்ச்சி செய்திருக்கிறார்கள்.அதில் கஜினி படத்தில் அசின் குறித்து செய்த ஆராய்ச்சி தான் மிகவும் ஆச்சர்யமானது.
Recommended Video
உலகில் பின்னால் நடக்கப்போவதை முன்னாடியே கணித்து சொல்வதை தான் நாஸ்டர்டாமஸ் கணிப்பு என்பார்கள். தற்போதைய நிலையில் 2020ம் ஆண்டில் கொரோனாவைரஸ் தொற்று, வெட்டுக்கிளிகள் படையெடுப்பு, சீன படைகள் அத்துமீறல், பொருளாதார முடக்கம் என்று இந்தியா கடுமையாக பாதிக்கப்பட்டுள்ளது.
இதில் கொரோனா வைரஸ் மற்றும் வெட்டுக்கிளிகள் படையெடுப்பு ஆகியவற்றால் பெரும் சேதத்தை இந்தியா சந்தித்துள்ளது. இதில கொரோனா வைரஸ் பிரச்சனை, மற்றும் வெட்டுக்கிளிகள் படையெடுப்பு ஆகியவை சூர்யாவின் ஏழாம் அறிவு மற்றும் காப்பான் படத்தில் இடம் பெற்றிருக்கும்.
இதுதான் சரியான சமயம்...போட்டா போட்டியில் தொலைக்காட்சிகள்!
ஏழாம் அறிவு படத்தில் சீனாவில் இருந்து வரும் ஒருவர் மூலம் வைரஸ் தொற்று பலருக்கு பரவும். அதை தடுக்க வழி தெரியாமல் அரசுகள் திணறும். இதேபோல் காப்பான் படத்தில் வெட்டுக்கிளிகள் மொத்தமாக படைஎடுத்து வரும். இந்த இருகாட்சிகளும் தத்ரூபமாக இப்போது நிஜத்தில் இந்தியாவில் நடக்கின்றன. இந்நிலையில் நாஸ்டர்டாமஸ் கணிப்புகள் சூர்யாவின் படத்தில் அடுத்தடுத்து நடந்ததால் நெட்டிசன்கள் மற்ற படங்கள் குறித்தும் ஆராய்ச்சி செய்திருக்கிறார்கள்.
கஜினி படத்தில் அசின் குறித்த அவர்களின் கணிப்பு தான் மிகவும் வேடிக்கையானது. கஜினி படத்தில் அசின் சூர்யாவை காதலிப்பார். சூர்யா அந்த படத்தில் செல்போன் கம்பெனி நிறுவனராக இருப்பார்.
இந்நிலையில் அசின் சூர்யாவை திருமணம் செய்யாமல் படத்தில் இறந்துவிடுவார். இந்நிலையில் அசின் நிஜத்தில் மைக்ரோமேக்ஸ் செல்போன் கம்பெனி ஓனர் ராகுல் சர்மாவை கல்யாணம் செய்தார். இதை கூறி நெட்டிசன்கள் நெட்டில் அழும்பு செய்து வருகிறார்கள். இந்த ஆராய்ச்சி இன்னும் எந்த அளவிற்கு நீள போகிறது என்று தெரியவில்லை. வெறும் சூர்யாவுடன் முடியுமா மற்ற நடிகர்களையும் ஆராய்கிறார்களா என்பது இனி வரும் நாட்களில் தெரியும்.