எடப்பாடியை சந்தேகத்துடன் பார்க்கும் பாஜக... ஓபிஎஸ் வசமாகும் அதிமுக?
Recommended Video
சென்னை: அதிமுகவை துணை முதல்வர் ஓபிஎஸ் வசம் ஒப்படைப்பதற்கான நகர்வுகளை பாஜக மேற்கொண்டிருக்கிறதாம். முதல்வர் எடப்பாடி பழனிசாமி சசிகலா குடும்பத்துடன் நெருக்கமாக இருப்பதால் அவர் மீது பாஜக தரப்பு நம்பிக்கை இழந்துவிட்டதாகவும் கூறப்படுகிறது.
சசிகலாவை எதிர்த்து தர்மயுத்தம் செய்தவர் துணை முதல்வர் ஓபிஎஸ். இதனைத் தொடர்ந்து பாஜகவுடன் மிக நெருக்கமானார். என்னதான் சசிகலாவால் நியமிக்கப்பட்டவர் என்றாலும் முதல்வர் எடப்பாடி பழனிசாமி, பாஜகவின் நெருக்கடிக்குள் சிக்கினார்.
இதையடுத்து ஓபிஎஸ் அணியை மீண்டும் அதிமுகவில் இணைத்துக் கொண்டார். ஓபிஎஸ்-க்கு துணை முதல்வர் பதவியும் கொடுக்கப்பட்டது. அதிமுகவில் ஒருங்கிணைப்பாளர் பதவியும் ஓபிஎஸ்-க்கு தரப்பட்டது.
தம்மாத்தூண்டு மழையைத் தாங்க முடியாத டிரான்ஸ்பர்.. நடு ரோட்டில் மல்லாக்க கவிழ்ந்தது!
ஓபிஎஸ் அதிருப்தி
ஆனால் முதல்வர் எடப்பாடி தரப்பு, ஆட்சியிலும் கட்சியிலும் தமது கைகளே ஓங்கியிருக்குமாறு பார்த்துக் கொண்டார். இதனால் துனை முதல்வர் ஓபிஎஸ் மிகுந்த அதிருப்தியில் இருந்து வந்தார்.
மிடாஸ் கொள்முதல்
பாஜக சொல்வதை கேட்டு ஆட்சியை நடத்தினாலும் சசிகலா குடும்பத்துக்காக பொருளாதார ஆதாயங்களுக்கு குறைவில்லாமல் பார்த்து கொண்டது முதல்வர் எடப்பாடி தரப்பு. டாஸ்மாக் நிறுவனத்துக்கு சசிகலா குடும்பத்தின் மிடாஸ் மதுபான ஆலையில் இருந்து கொள்முதல் தற்போதும் செய்யப்பட்டுதான் வருகிறது.
சசிகலாவை சந்தித்தது எடப்பாடி தரப்பு?
அத்துடன் பெங்களூரு சிறையில் சசிகலாவை முதல்வர் எடப்பாடி குடும்பத்தைச் சேர்ந்தவர்கள் சந்தித்து பேசியிருப்பதாகவும் அவ்வப்போது தகவல்கள் வெளியாகிக் கொண்டிருக்கின்றன.
பாஜக அணி தோல்வி
இந்நிலையில் லோக்சபா தேர்தலில் அதிமுக- பாஜக அணி படுதோல்வி அடைந்தது. இதில் தங்களது தோல்விக்கு முதல்வர் எடப்பாடி தரப்புதான் காரணம் என பாஜக மேலிடம் உறுதியாக நம்புகிறது. அண்மையில் டெல்லியில் தமிழக அமைச்சர்கள் இருவரிடமும் இதை வெளிப்படையாகவே பாஜக தெரிவித்திருக்கிறது.
ஓபிஎஸ் வசமாகும் அதிமுக
பாஜகவைப் பொறுத்தவரை முதல்வர் எடப்பாடி தரப்பு சசிகலாவின் நம்பிக்கைக்குரியவர்களாகவே இன்னமும் இருக்கிறார்களே என்கிற கோபத்தில் இருக்கிறதாம். இதனால் அதிமுகவின் பொதுச்செயலாளராக துணை முதல்வர் ஓபிஎஸ்ஸை நியமிக்கும் வேலைகளை பாஜக ஜரூராக மேற்கொண்டு வருகிறதாம். இதன் மூலம் எடப்பாடி அணிக்கு கடிவாளம் போட முடியும் என கணக்குப் போடுகிறதாம் பாஜக.