சென்னையில் இன்று பெட்ரோல், டீசல் விலை எவ்வளவு தெரியுமா?
சென்னை: சென்னையில் பெட்ரோல் டீசல் விலை குறைந்துள்ளது. இதனால் வாகன ஓட்டிகள் மகிழ்ச்சி அடைந்துள்ளனர்.
சர்வதேச சந்தையில் நிலவும் கச்சா எண்ணெய் விலைக்கேற்ப இந்தியாவில் பெட்ரோல், டீசல் விலையை எண்ணெய் நிறுவனங்கள் நிர்ணயித்துக் கொள்கின்றன. அந்த வகையில் பெட்ரோல், டீசல் விலை தினந்தோறும் நிர்ணயிக்கும் நடைமுறை எண்ணெய் நிறுவனங்களால் கடைப்பிடிக்கப்பட்டு வருகிறது.
கடந்த சில நாட்களாக பெட்ரோல், டீசல் விலை குறைந்து கொண்டே வருகிறது. நேற்று சென்னையில் பெட்ரோல் விலை லிட்டர் ஒன்றுக்கு ரூ 72.71 ஆகவும், டீசல் விலை ஒரு லிட்டருக்கு ரூ 66.19 ஆகவும் விற்பனை செய்யப்பட்டுள்ளது.
இந்த நிலையில் இன்று எண்ணெய் நிறுவனங்கள் வெளியிட்டுள்ள அறிவிக்கையில் சென்னையில் இன்று பெட்ரோல் நேற்றைய விலையில் 14 காசுகளும் டீசலின் விலை 17 காசுகளும் குறைந்துள்ளன. அதன்படி பெட்ரோல் விலை ரூ72.57 ஆகவும் , டீசல் விலை 66.02 ஆகவும் உள்ளது. இந்த விலை இன்று காலை முதல் அமலுக்கு வருகிறது.
தொடர்ந்து பெட்ரோல் டீசல் விலை குறைந்து கொண்டே வருவதால் வாகன ஓட்டிகள் மகிழ்ச்சியில் உள்ளனர்.