வாகன ஓட்டிகளுக்கு நல்ல செய்தி: பெட்ரோல், டீசல் விலை இன்றும் குறைப்பு
Recommended Video
சென்னை: சென்னையில் பெட்ரோல், டீசல் விலை இன்று குறைந்துள்ளது.
சர்வதேச சந்தையில் கச்சா எண்ணெய்யின் விலைக்கு ஏற்ப பெட்ரோல், டீசல் விலையை எண்ணெய் நிறுவனங்கள் உயர்த்தி வருகின்றன. கடந்த மாதம் பெட்ரோல், டீசல் விலை ஒரேயடியாக உயர்ந்தது.
பெட்ரோல், டீசல் விலை உயர்வை பார்த்து வாகன ஓட்டிகள் வேதனை அடைந்தார்கள். இந்நிலையில் பெட்ரோல், டீசல் ஆகியவற்றின் விலை கடந்த சில நாட்களாக தொடர்ந்து குறைந்து வருகின்றது.
சென்னையில் இன்று ஒரு லிட்டர் பெட்ரோலின் விலை 15 காசுகள் குறைந்து ரூ. 79.31க்கு விற்பனை செய்யப்படுகிறது. அதே போன்று டீசல் விலை ஒரு லிட்டருக்கு 13 காசுகள் குறைந்து ரூ. 75.31க்கு விற்பனையாகிறது.
கடந்த ஒரு மாதத்தில் மட்டும் பெட்ரோல் விலை ரூ. 6.79ம், டீசலின் விலை ரூ. 4.73ம் குறைக்கப்பட்டுள்ளது என்பது குறிப்பிடத்தக்கது. இது போன்று தினமும் விலை குறைப்பு செய்யப்பட்டால் நன்றாக இருக்கும் என்பது வாகன ஓட்டிகளின் எதிர்பார்ப்பு.