பெட்ரோல் விலை குறைந்தது... டீசல் விலையில் மாற்றமில்லை
சென்னை: சென்னையில் பெட்ரோல் லிட்டருக்கு ரூ. 72.41 காசுகளாகவும், டீசல் லிட்டருக்கு ரூ. 67.38 காசுகளாகவும் விலை நிர்ணயம் செய்யப்பட்டுள்ளன.
நேற்றைய விலையில் இருந்து பெட்ரோல் விலை 7 காசுகள் குறைந்துள்ளது, டீசல் விலையில் எந்த மாற்றமின்றி விற்பனையாகிறது
பெட்ரோல், டீசல் விலையை எண்ணெய் நிறுவனங்களே நிர்ணயித்துக் கொள்ளலாம் என மத்திய அரசு தெரிவித்தது. அதன்படி, கச்சா எண்ணெய் விலைக்கு ஏற்ப பெட்ரோல், டீசல் விலை எண்ணெய் நிறுவனங்கள் நிர்ணயித்து வருகின்றன. அந்த வகையில், கடந்த சில தினங்களாக பெட்ரோல், டீசல் விலை ஏறுமுகத்தில் இருந்து வந்தது.
கடந்த ஜனவரி - அக்டோபர் மாத இடைவெளியில் பெட்ரோல், டீசல் விலை வரலாறு காணாத வகையில் உயர்ந்தது. அக்டோபர் மாதம் 17-ந் தேதி ஒரு லிட்டர் பெட்ரோல் விலை ரூ.86.10, டீசல் விலை ரூ.80.04 என்ற உச்சத்தை தொட்டது. இதனையடுத்து, பெட்ரோல், டீசல் மீதான உற்பத்தி வரியை மத்திய அரசு குறைத்தது. இதனால், பெட்ரோல், டீசல் விலை குறைந்து வந்தது.
இந்தநிலையில், கச்சா எண்ணெயின் விலை தொடர்ந்து சரிந்து வருகிறது. கடந்த மூன்று மாதங்களில் மட்டும் 40 சதவீதம் அளவிற்கு கச்சா எண்ணெயின் விலை குறைந்துள்ளது.