Just In

முகத்தில் இருக்கும் புன்னகை மக்கள் முகத்திலும் பரவிடச் செய்யுங்கள்- எடப்பாடியாருக்கு கமல் வாழ்த்து

Updated: Tuesday, May 12, 2020, 16:59 [IST]

சென்னை: உங்கள் முகத்தில் இருக்கும் புன்னகை மக்கள் முகத்திலும் பரவிடச் செய்யுங்கள் என்று தமிழக முதல்வர் எடப்பாடி பழனிசாமிக்கு மக்கள் நீதி மய்யத்தின் தலைவர் கமல்ஹாசன் பிறந்த நாள் வாழ்த்து தெரிவித்துள்ளார்.

தமிழக முதல்வர் எடப்பாடி பழனிசாமியின் 66-வது பிறந்த நாள் இன்று உற்சாகமாக கொண்டாப்படுகிறது. முதல்வர் எடப்பாடி பழனிசாமிக்கு பிரதமர் மோடி இன்று காலை தமது ட்விட்டர் பக்கத்தில் வாழ்த்து தெரிவித்துள்ளார்.

யாரும் கையில் எடுக்காத ஐடியா.. பிறமாநில தொழிலாளர்களுக்கு ஒடிசா கொடுத்த டாஸ்க்.. நவீன் பட்நாயக் செம! யாரும் கையில் எடுக்காத ஐடியா.. பிறமாநில தொழிலாளர்களுக்கு ஒடிசா கொடுத்த டாஸ்க்.. நவீன் பட்நாயக் செம!

மோடி, ஓபிஎஸ் வாழ்த்து

அதில், முதல்வர் எடப்பாடி பழனிசாமி நல்ல ஆரோக்கியத்துடன் மக்களுக்கு எடப்பாடி பழனிசாமி சேவையாற்ற வேண்டும் என்று வாழ்த்தியுள்ளார் பிரதமர் மோடி. இதற்கு முதல்வர் எடப்பாடி பழனிசாமி தமது ட்விட்டர் பக்கத்தில் நன்றி தெரிவித்துள்ளார். துணை முதல்வர் ஓ. பன்னீர்செல்வம் தமது ட்விட்டர் பக்கத்தில், இன்று பிறந்தநாள் நாள் காணும், மாண்புமிகு முதல்வர் அன்பு அண்ணன் எடப்பாடி கே.பழனிசாமி நல்ல ஆரோக்கியத்துடனும், நீண்ட ஆயுளோடும் பல்லாண்டு வாழ எனது உளமார்ந்த இனிய பிறந்தநாள் நல்வாழ்த்துகளை அன்போடு தெரிவித்துக் கொள்கிறேன் என குறிப்பிட்டுள்ளார்.

தமிழிசை ட்வீட்டுக்கு நன்றி

தெலுங்கானா ஆளுநர் தமிழிசை சவுந்தரராஜன், தமிழக முதலமைச்சர் அன்பு சகோதரர் எடப்பாடி கே.பழனிச்சாமிக்கு எனது உளம் கனிந்த இனிய பிறந்த நாள் வாழ்த்துக்களை தெரிவித்துக்கொள்கிறேன். இறைவனின் அருளோடு உடல் ஆரோக்கியத்தோடு , நீண்ட ஆயுளோடு மக்கள் பணியாற்ற இந்த பிறந்த நாளில் நான் இறைவனை பிரார்த்திக்கிறேன் என வாழ்த்தியுள்ளார். தமிழிசைக்கும் தமது நெஞ்சார்ந்த நன்றியைத் தெரிவித்துள்ளார் முதல்வர் எடப்பாடியார்.

ஓம் பிர்லா வாழ்த்து

லோக்சபா சபாநாயகர் ஓம் பிர்லா தமது ட்விட்டர் பக்கத்தில் தமிழில், முதல்வர் எடப்பாடி பழனிசாமிக்கு வாழ்த்து தெரிவித்துள்ளார். அதில், தமிழ்நாடு முதலமைச்சர் திரு எடப்பாடி கே. பழனிசாமி அவர்களுக்கு மனமார்ந்த பிறந்தநாள் வாழ்த்துகள். நலமும் வளமும் பெற பிரார்த்திப்பதோடு தங்களின் மகத்தான மக்கள் சேவை தமிழ்நாடு மற்றும் நாட்டின் முன்னேற்றத்துக்கு வழிகோலும் என உறுதியாக நம்புகிறேன் என தெரிவித்துள்ளார்.

கமல்ஹாசன் வாழ்த்து

மக்கள் நீதி மய்யத்தின் தலைவரான நடிகர் கமல்ஹாசனும் முதல்வர் எடப்பாடியாருக்கு வாழ்த்து தெரிவித்துள்ளார். அதில் தமிழகத்தின் முதல்வர் எடப்பாடியார் @CMOTamilNadu அவர்களுக்கு என் இனிய பிறந்த நாள் வாழ்த்துக்கள். உங்கள் முகத்தில் இருக்கும் புன்னகை, மக்கள் அனைவரின் முகத்திலும் பரவிடச் செய்யுங்கள். மக்களின் வாழ்த்தே ஆயுளைக் கூட்டும் என குறிப்பிட்டுள்ளார்.

அனைவருக்கும் நன்றி

தமக்கு பிறந்த நாள் வாழ்த்து தெரிவித்த அனைவருக்கும் முதல்வர் எடப்பாடி பழனிசாமி நன்றி தெரிவித்துள்ளார். இது தொடர்பாக தமது ட்விட்டர் பக்கத்தில், னது பிறந்தநாளை முன்னிட்டு, இன்று தொலைபேசி மூலம் வாழ்த்து தெரிவித்த மாண்புமிகு இந்திய குடியரசு தலைவர், மாண்புமிகு துணை குடியரசு தலைவர், மாண்புமிகு பாரத பிரதமர், மாண்புமிகு தமிழக, தெலுங்கானா ஆளுநர்கள், மாண்புமிகு மத்திய அமைச்சர் பெருமக்களுக்கு எனது நன்றியை தெரிவித்துக் கொள்கிறேன். கொரோனா வைரஸ் நோய் தொற்று தடுப்புப் பணிகளில் அனைவரும் தீவிரமாக ஈடுபட்டிருக்கும் இத்தருணத்தில், எனது பிறந்தநாளை கொண்டாட வேண்டாம் என கேட்டுக் கொண்டிருந்தேன். இருப்பினும் தொலைபேசி மூலம் என்னை வாழ்த்திய அனைத்து நல்ல உள்ளங்களுக்கும் எனது நன்றியினை தெரிவித்துக் கொள்கிறேன் என குறிப்பிட்டுள்ளார்.