• search
சென்னை அப்டேட்டுகளுக்கு
நோட்டிபிகேஷனை அனுமதி  
Just In

ஜனவரி 16-ம் தேதிக்கு பதிலாக... ஜனவரி 31-ம் தேதி நாடு முழுவதும் போலியோ சொட்டு மருந்து முகாம்..!

|

சென்னை: ஜனவரி 16-ம் தேதிக்கு பதில் ஜனவரி 31-ம் தேதி நாடு முழுவதும் போலியோ சொட்டு மருந்து முகாம் நடைபெறும் என அறிவிக்கப்பட்டுள்ளது.

5 வயதுக்கு கீழ் உள்ள குழந்தைகளை போலியோ நோய் தாக்காமல் இருப்பதற்காக அனைத்து ஆரம்ப சுகாதார நிலையங்கள், மற்றும் பொதுமக்கள் கூடும் இடங்களில் அரசு சார்பில் போலியோ சொட்டு மருந்து முகாம்கள் நடத்தப்படுவது வழக்கம்.

Polio Vaccination Day Rescheduled to January 31 Amid Indias Covid-19 Inoculation Drive on Saturday

ஜனவரி 16-ம் தேதி நடைபெறவிருந்த போலியோ சொட்டு மருந்து முகாம் கொரோனா தடுப்பூசி செலுத்துதல் பணி காரணமாக இந்தாண்டு ஒத்தி வைக்கப்பட்டுள்ளது. எதிர்பாராத வகையில் இந்தாண்டு போலியோ சொட்டு மருந்து முகாம் தள்ளிவைக்க நேரிட்டதாக அனைத்து மாநில சுகாதாரத்துறை செயலாளர்களுக்கு மத்திய சுகாதாரத்துறை அமைச்சகம் சுற்றறிக்கையில் தெரிவித்துள்ளது.

இதனிடையே ஜனவரி 31-ம் தேதி ஞயிற்றுக்கிழமை அன்று நடைபெறும் போலியோ சொட்டு மருந்து முகாமில் 5 வயதுக்கு கீழ் உள்ள குழந்தைகளை அழைத்துச் சென்று சொட்டு மருந்து வழங்குமாறு பெற்றோர்களுக்கும் அறிவுறுத்தப்பட்டுள்ளது.

இதனை யாரும் அஜாக்கிரதையாக எடுத்துக்கொள்ள வேண்டாம் என்றும் தேசிய நோய் தடுப்பு தினமாக கருத்தில் கொண்டு போலியோ சொட்டு மருந்து வழங்கும் முகாம்கள் மூலம் மக்கள் பயனடைந்துகொள்ள வேண்டும் எனக் கேட்டுக்கொள்ளப்பட்டுள்ளது.

கட்டுப்பாட்டில் கொரோனா... தமிழகத்திடம் ஆலோசனை கேட்கிறது தென் ஆப்ரிக்கா -அமைச்சர் விஜயபாஸ்கர்

டெல்லியில் குடியரசுத் தலைவர் ராம்நாத் கோவிந்த போலியோ சொட்டு மருந்து முகாமை தொடங்கி வைக்கிறார். இதேபோல் மாநிலங்களில் அந்தந்த மாநில முதலமைச்சர்கள் தொடங்கி வைக்க இருக்கிறார்கள்.

இதனிடையே நாளை மறுதினம் சனிக்கிழமை சுகாதாரத்துறை முன்களப் பணியாளர்களுக்கு கொரோனா தடுப்பூசி செலுத்தும் பணிகள் நாடுமுழுவதும் தொடங்கவிருக்கிறது. கொரோனா தடுப்பூசி செலுத்தும் பணிகள் குறைந்தது ஓராண்டுக்கு அல்லது அதற்கு மேலும் நடைபெறும் என கணிக்கப்பட்டுள்ளது.

 
 
 
English summary
Polio Vaccination Day Rescheduled to January 31 Amid India's Covid-19 Inoculation Drive on Saturday
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X