சென்னையில் 24 மணி நேரத்தில் மழை.. 5 நாட்களுக்கு தமிழக வானிலை எப்படி இருக்கும்? வெளியானது அறிவிப்பு

சென்னை: சென்னையில் அடுத்த 24 மணி நேரத்தில் மழை பெய்ய வாய்ப்பு உள்ளது என்று, சென்னை வானிலை ஆய்வு மையத்தின், ஏரியா புயல் எச்சரிக்கை மையம் தெரிவித்துள்ளது.

இதுகுறித்து வெளியிடப்பட்டுள்ள செய்திக்குறிப்பு:

நாள் 1 (02.01.2021) கடலோர தமிழ்நாடு, புதுச்சேரி மற்றும் காரைக்கல் பகுதியில் ஒரு சில இடங்களில் இடியுடன் கூடிய மழை பெய்ய வாய்ப்புள்ளது.

நாள் 2 (03.01.2021) தமிழ்நாடு, புதுச்சேரி மற்றும் காரைக்கல் பகுதியில் சில இடங்களில் லேசான மிதமான மழை முதல் இடியுடன் கூடிய மழை பெய்ய வாய்ப்புள்ளது.

நாள் 3 (04.01.2021) கடலோர தமிழ்நாடு, புதுச்சேரி மற்றும் காரைக்கல் பகுதியில் ஒரு சில இடங்களில் லேசானது முதல் மிதமான மழை பெய்ய வாய்ப்புள்ளது. பிற பகுதிகளில் வறண்ட வானிலை நிலவும்.

நாள் 4 (05.01.2021) தமிழ்நாடு, புதுச்சேரி மற்றும் காரைக்கல் பகுதியில் சில இடங்களில் மிதமான மழை மற்றும் இடியுடன் கூடிய மழை பெய்ய வாய்ப்புள்ளது.

நாள் 5 (06.01.2021) தமிழ்நாடு, புதுச்சேரி மற்றும் காரைக்கல் பகுதியில் ஒரு சில இடங்களில் மிதமான மழையுடன், இடியுடன் கூடிய மழை பெய்ய வாய்ப்புள்ளது.

கன மழை எச்சரிக்கை: 05.01.2021 மற்றும் 06.01.2021 நாட்களில், கடலோர தமிழ்நாட்டில் ஒரு சில இடங்களில் பலத்த மழை பெய்ய வாய்ப்புள்ளது.

இடி, மின்னல் எச்சரிக்கை: 02.01.2021 & 03.01.2021: தமிழகம் முழுவதும் ஒரு சில இடங்களில் இடி, மின்னலுடன் கூடிய கன மழை பெய்ய வாய்ப்புள்ளது.

சென்னை நகரம் மற்றும் அதன் சுற்று வட்டார பகுதிகளில், அடுத்த 24 மணி நேரத்தில் வானிலை பொதுவாக மேகமூட்டத்துடன் இருக்கும். சில பகுதிகளில் லேசானது முதல் மிதமான மழை பெய்ய வாய்ப்புள்ளது. அதிகபட்ச மற்றும் குறைந்தபட்ச வெப்பநிலை முறையே 28 டிகிரி செல்சியஸ் மற்றும் 24 டிகிரி செல்சியசாக இருக்கும்.

அடுத்த 48 மணி நேரத்திற்கு வானம் மேகமூட்டத்துடன் இருக்கும். சில பகுதிகளில் லேசானது முதல் மிதமான மழை பெய்ய வாய்ப்புள்ளது. அதிகபட்ச மற்றும் குறைந்தபட்ச வெப்பநிலை முறையே 29 டிகிரி செல்சியஸ் மற்றும் 24 டிகிரி செல்சியசாக இருக்கும்.

English summary

Chennai is likely to receive rain in the next 24 hours, according to the Chennai Meteorological Department's Area cyclone Warning Center.