அகில இந்திய அளவில் டிரெண்டிங்கான #ரஜினி_பயத்தில்திமுக!
Recommended Video
சென்னை: நடிகர் ரஜினிகாந்த் கட்சி ஆரம்பித்தால் திமுகவுக்கும் அவருக்கும்தான் போட்டி என ஆரூடம் கூறப்பட்டு வருகிறது. அதற்கு முன்னோட்டத்தைப் போல #ரஜினி_பயத்தில்திமுக! என்ற ஹேஷ்டேக்கை ரஜினி ஆதரவாளர்கள் இந்திய அளவில் டிரெண்டிங்காக்கி வருகின்றனர்.
திமுக தலைவர் மு.க.ஸ்டாலினின் கொளத்தூர் சட்டசபை தொகுதியில் அரசு பள்ளியை ரஜினி மக்கள் மன்றத்தின் வடசென்னை மாவட்ட தகவல் தொழில்நுட்ப அணியினர் சீரமைத்து தந்துள்ளனர். இதனை ரஜினி மக்கள் மன்ற வடசென்னை மாவட்ட செயலாளர் சந்தானம் திறந்து வைத்திருக்கிறார்.
கடந்த மாதம் 20-ந் தேதி சீரமைக்கப்பட்ட அரசு பள்ளி திறக்கப்பட்டது. இதற்கான கல்வெட்டு ஒன்றும் அப்போது திறந்து வைக்கப்பட்டது. ஆனால் திடீரென ரஜினி மக்கள் மன்றத்தின் கல்வெட்டு அகற்றப்பட்டிருந்தது.
இந்த கல்வெட்டை திமுகவினர்தான் அகற்றியதாக ரஜினி ரசிகர்கள் குற்றம்சாட்டினர். அதே வேகத்துடன் ட்விட்டரில் #ரஜினி_பயத்தில்திமுக! என்ற ஹேஷ்டேக்கை உருவாக்கி கடந்த சில நாட்களாக டிரெண்டிங்காக்கி வருகின்றனர்.