போதும்ப்பா.. அமெரிக்கா செல்கிறார் ரஜினிகாந்த்!
சென்னை: நடிகர் ரஜினிகாந்த், தனது குடும்பத்தோடு இன்று அமெரிக்கா கிளம்பிச் செல்கிறார். சுமார் 20 நாட்கள் அவர் அங்கேயே தங்கியிருந்து ஓய்வெடுக்க உள்ளதாக தகவல்கள் வெளியாகியுள்ளன.
நடிகர் ரஜினிகாந்த், ரசிகர்களை சந்தித்து புகைப்படம் எடுத்தது, காலா, 2 பாயிண்ட் ஓ, பேட்ட உள்ளிட்ட படங்களில் நடித்து வந்ததால் சோர்வாக காணப்படுகிறார். எனவவே ஓய்வுக்காக இன்று இரவு அமெரிக்கா செல்கிறார் ரஜினிகாந்த்.
இந்த பயணம் சிகிச்சைக்காக என்று வெளியான தகவல்களை மறுக்கிறது ரஜினிகாந்த் தரப்பு. அமெரிக்கா செல்வது, ஓய்வு எடுக்கவே என்றும் ரஜினிகாந்த் தரப்பில் தெரிவிக்கப்பட்டுள்ளது.
ரஜினிகாந்த் பேட்டி தொடர் சர்ச்சைகளை ஏற்படுத்தி வந்தது. அமெரிக்காவில் பத்திரிகையாளர்கள் கேள்விகளுக்கு பதிலளிக்காமல், வேறு தொடர்புகள் இன்றி, நிம்மதியாக ஓய்வெடுக்க அவர் திட்டமிட்டுள்ளாராம்.
"நீங்க அமெரிக்கா போரீங்களா..அப்படின்னா தமிழ்நாட்டை யாரு தலைவா காப்பாத்துறது?" என்று சமூக வலைத்தளங்களில் கேட்டு குமுறுகிறார்கள் அவரது ரசிகர்கள்.