Click it and Unblock the Notifications
Don't Miss
-
இந்த ஒற்றுமையை நோட் பண்ணீங்களா?.. ஸ்டார் நடிகர்கள் ஒரே மாதிரி வந்து ஓட்டுப் போட்டு இருக்காங்களே! -
AC வாங்கப் போறிங்களா? இந்த தவறை பண்ணிடாதீங்க.. முதல்ல இதை நோட் பண்ணுங்க! -
இதுதான் கிரிக்கெட்.. அஷுதோஷ் சர்மாவிடம் கற்றுக் கொள்ள ஆவலாக உள்ளேன்.. சூர்யகுமாரே சொல்லிட்டாரு! -
இந்தியாவில் இன்றும் ராஜவாழ்க்கை வாழும் அரச குடும்பங்கள்..இவங்களுக்கு எங்க இருந்து இவ்வளவு பணம் வருது தெரியுமா? -
புது ரூல்ஸ்.. தேர்தல் முடிந்ததும் அமல்.. இனி 24 மணி நேரம் தான்.. ரயில் டிக்கெட் சேவையில் 2 பெரிய மாற்றங்கள்! -
போன தடவ சிவப்பு நிற சைக்கிள்.. இந்த முறை இன்னோவா கார்.. இந்த கார் வாயிலாக அவர் என்ன சொல்லியிருக்கார்? -
சென்னையிலிருந்து சம்மர் ஸ்பெஷல் வந்தே பாரத் ரயில்கள் – திருச்சி, மதுரை, நாகர்கோவில்! -
பிளஸ்-2 படித்திருந்தால் போதும்...மத்தியஅரசு வேலை தயார்..!!
மக்கள் சேவை கட்சி ரஜினியுடையதா.. பதிவு செய்த முகவரியில் யாரு இருக்காங்க தெரியுமா? செம திருப்பம்
சென்னை: மக்கள் சேவை கட்சி என்ற பெயரில், இந்திய தேர்தல் ஆணையத்தில் பதிவு செய்யப்பட்ட அரசியல் கட்சி, நடிகர் ரஜினிகாந்தின் கட்சி என்று தகவல் வெளியான நிலையில் அதில் ஒரு முக்கியமான திருப்பம் நிகழ்ந்துள்ளது.
நடிகர் ரஜினிகாந்த், தான் கட்சி தொடங்கப் போகும் அறிவிப்பை முறைப்படி டிசம்பர் மாதம் 31ம் தேதி அறிவிக்க உள்ளதாக ஏற்கனவே தெரிவித்துள்ளார்.
Recommended Video
ஜனவரி மாதம் அதிகாரப்பூர்வமாக அரசியல் பிரவேசம் அறிவிக்கப்படும் என்று அறிவித்தார். இந்த நிலையில்தான், இந்திய தேர்தல் ஆணையத்தின் மக்கள் சேவை கட்சி என்ற பெயரில் ஒரு கட்சி பதிவு செய்யப்பட்டுள்ளது.
ஆட்டோ சின்னம்
இந்த கட்சிக்கு ஆட்டோ சின்னம் ஒதுக்கப்பட்டதாக கூறப்பட்டது. அது ரஜினிகாந்தின் கட்சியாக இருக்கலாம் என்ற சந்தேகம் இருந்தது. ஆனால், கட்சி முகவரியில், நம்பர் 10, பாலாஜி நகர், சென்னை எர்ணாவூர் என்று குறிப்பிடப்பட்டிருந்தது. இந்த நிலையில்தான், சில ஊடகங்கள் அந்த முகவரிக்கு நேரில் சென்று பார்த்தனர்.
வேறு நபர் பெயரில் கட்சியா?
அப்போது, அங்கு தூத்துக்குடி மாவட்ட ரஜினி மக்கள் மன்றத்தின் செயலாளர் வீடு இருப்பது தெரியவந்தது. இதுகுறித்து, அரசியல் விமர்சகர்கள் சிலரிடம் பேசினோம். அவர்கள் கூறுகையில், ஒரு கட்சியை துவங்குபவர், இன்னொருவரின் முகவரியில் அதை துவங்க மாட்டார். ஏனெனில், பிற கட்சியை சேர்ந்த யாராவது அந்த நபரை தங்கள் பக்கம் இழுத்துக் கொண்டால் கட்சியின் அடிப்படையே ஆட்டம் கண்டுவிடும். இந்த பயத்தின் காரணமாக இவ்வாறு யாரும் செய்ய மாட்டார்கள். எனவே இது ரஜினிகாந்த் கட்சியாக இருக்க முடியாது என்று தெரிவிக்கிறார்கள் அந்த அரசியல் பார்வையாளர்கள். அதே நேரம் வேறு சில அரசியல் பார்வையாளர்கள் வேறு மாதிரி கருத்து தெரிவிக்கிறார்கள்.
பேக் அப் கட்சி
ரஜினிகாந்த் டிசம்பர் மாதம் 31ஆம் தேதி கட்சி அறிவிப்பு பற்றி தகவல் வெளியிட உள்ளார். மக்கள் சேவை கட்சி என்று இப்போது வெளியாகியுள்ள கட்சி பெயர், அவரது பேக் அப் கட்சியாக இருக்கக் கூடும். அதாவது, தான் விரும்பக்கூடிய கட்சியின் பெயரை பதிவு செய்ய முடியாமல் போனால், இந்த கட்சியை ரஜினிகாந்த் வாங்கி பயன்படுத்திக் கொள்ள வாய்ப்பு இருக்கிறது.
ரஜினிகாந்த் விருப்பம்
கட்சி அறிவிப்பு தொடர்பாக சமீபத்தில் செய்தியாளர்களை சந்தித்தபோது இரட்டை விரலை உயர்த்தி காட்டி, அவர் புகைப்படங்களுக்கு போஸ் கொடுத்தது இதை நிரூபிப்பதாக உள்ளது. எனவே, ஆட்டோ சின்னம் மற்றும் மக்கள் சேவை கட்சி ஆகிய இரண்டுமே பேக் அப் என்று சொல்லக்கூடிய ஏற்பாடு என்று அடித்துச் சொல்கிறார்கள் அவர்கள். எது எப்படியோ டிசம்பர் 31ம் தேதி ரஜினிகாந்த் தனது கட்சிப் பெயரை அல்லது கட்சி துவங்கும் தகவலை அறிவிக்கும் போது இந்த சந்தேகங்களை அனைத்துக்கும் உறுதியான ஒரு முடிவு கிடைக்கும் என்பது மட்டும் திண்ணம்.
