மாநிலங்களவை திமுக குழு தலைவராக திருச்சி சிவா தேர்வு... கொறடாவானார் டி.கே.எஸ்.இளங்கோவன்
சென்னை: மாநிலங்களவை திமுக குழு தலைவராக திருச்சி சிவாவும், மாநிலங்களவை திமுக கொறடாவாக டி.கே.எஸ்.இளங்கோவனும் தேர்வு செய்யப்பட்டுள்ளனர்.
இதே போல், திமுக மக்களவை குழு தலைவராக டி.ஆர்.பாலு எம்.பி. தேர்வு செய்யப்பட்டுள்ளார். திமுக மக்களவை கொறடாவாக முன்னாள் மத்திய அமைச்சர் ஆ.ராசா தேர்வு செய்யப்பட்டுள்ளார்.
திமுக மக்களவை குழு துணை தலைவராக கனிமொழி தேர்வு செய்யப்பட்டுள்ளார். மேலும் பொருளாளராக எஸ்.எஸ்.பழனிமாணிக்கம் தேர்வு செய்யப்பட்டுள்ளார். சென்னையில் நடைபெற்ற திமுக நாடாளுமன்ற உறுப்பினர்களின் ஆலோசனை கூட்டத்தில் முடிவு செய்யப்பட்டுள்ளது.
மக்களவை திமுக கொறடாவாக முன்னாள் அமைச்சர் ஆ. ராசா தேர்வு #DMK #MKStalin #ARaja pic.twitter.com/uVn9ergVjH
— Oneindia Tamil (@thatsTamil) May 25, 2019
திமுக கூட்டணி 38 இடங்களை கைப்பற்றியுள்ளது. இதில், திமுக மட்டும் 23 இடங்களில் வெற்றி பெற்று, நாடாளுமன்றத்தில் பாஜக, காங்கிரஸ் கட்சிகளுக்கு அடுத்தபடியாக 3-வது மிகப்பெரும் கட்சியாக உருவெடுத்துள்ளது.
மறைந்த திமுக தலைவர் கருணாநிதியின் பிறந்த நாளான ஜூன் 3-ம் தேதி, சென்னை நந்தனத்தில் உள்ள ஒய்.எம்.சி.ஏ. மைதானத்தில் வாக்காளர்களுக்கு நன்றி அறிவிப்பு கூட்டத்தை நடத்த திமுக முடிவு செய்துள்ளது.