பாஜக செயற்குழு சிறப்பு அழைப்பாளராக ரஜினி சம்பந்தி கஸ்தூரி ராஜா- இளைஞர் அணி துணை தலைவர் வீரப்பன் மகள்
சென்னை: தமிழக பாஜகவின் மாநில செயற்குழு சிறப்பு அழைப்பாளராக நடிகர் ரஜினிகாந்தின் சம்பந்தியும் நடிகர் தனுஷின் தந்தையுமான கஸ்தூரி ராஜாவும் இடம்பெற்றுள்ளார். சந்தனக் கடத்தல் வீரப்பன் மகள் வித்யாவுக்கு பாஜக மாநில இளைஞரணி துணை தலைவர் பதவி வழங்கப்பட்டுள்ளது.
தமிழக பாஜக தலைவராக எல். முருகன் நியமிக்கப்பட்டார். இதனையடுத்து தமிழக பாஜகவின் புதிய நிர்வாகிகளை கடந்த சில வாரங்களாக அவர் அறிவித்து வருகிறார்.
சிபிஎஸ்இ பாடங்கள்- பாஜக மீது மு.க.ஸ்டாலின் திடீர் அட்டாக்- நோட்டாவை தாண்டுவதை கூட மறந்துவிடலாமாம்!
பாஜவின் துணைத் தலைவர்கள் உள்ளிட்ட முதன்மை பொறுப்புகளில் சர்ச்சைகள் வராத வகையில் ஏற்கனவே இருந்தவர்களே நியமிக்கப்பட்டனர். பாஜகவின் செயற்குழு உறுப்பினராக நடிகை நமீதாவுக்கும் பதவி வழங்கப்பட்டது.
ஆனால் பாஜகவில் இணைந்த ராதாரவி, கங்கை அமரன், கஸ்தூரி ராஜா உள்ளிட்ட பலருக்கும் எந்த பதவியும் தரப்படவில்லை. இது சர்ச்சையாகவும் விவாதமாகவும் மாறியது. இந்த நிலையில் பாஜகவின் பல்வேறு பிரிவுகளுக்கான புதிய நிர்வாகிகள் பட்டியலை மாநில தலைவர் எல். முருகன் தொடர்ந்து வெளியிட்டார்.
இதில் மாநில செயற்குழு உறுப்பினராக ராதாரவி இடம்பெற்றுள்ளார். மாநில செயற்குழுவின் சிறப்பு அழைப்பாளர்களாக முன்னாள் அமைச்சர் ஹண்டே, கங்கை அமரன், கஸ்தூரி ராஜா ஆகியோர் இடம்பெற்றிருக்கின்றன.
வீரப்பன் மகளுக்கு பதவி
இந்த பட்டியலில் சந்தனக் கடத்தல் வீரப்பனின் மகள் வித்யா ராணிக்கு மாநில இளைஞரணி துணைத் தலைவர் பதவி வழங்கப்பட்டுள்ளது. பாஜகவின் செய்திக் குறிப்பில் வித்யா வீரப்பன் என்றே குறிப்பிடப்பட்டுள்ளது.