சென்னை அப்டேட்டுகளுக்கு
நோட்டிபிகேஷனை அனுமதி  
Just In
Oneindia App Download

சாதி என்னன்னு டாக்டர் கேட்டது அநாகரிகம்: கிருஷ்ணசாமிக்கு சுப.வீ. கண்டனம்

Google Oneindia Tamil News

சென்னை: செய்தியாளர்களிடம் என்ன சாதி என புதிய தமிழகம் கட்சித் தலைவர் டாக்டர் கிருஷ்ணசாமி கேட்டதற்கு திராவிட இயக்க தமிழர் பேரவையின் பொதுச்செயலாளர் சுப.வீரபாண்டியன் கடும் கண்டனம் தெரிவித்துள்ளார்.

பாரதிய ஜனதா கட்சியை ஆதரித்து அதனது செயல்பாடுகளை நியாயப்படுத்தி டாக்டர் கிருஷ்ணசாமி பேச தொடங்கியதில் இருந்து ஊடகங்கள் அவரை புறக்கணித்தன. இதனால் கடும் கோபத்தில் இருந்து வருகிறார் கிருஷ்ணசாமி.

Subavee condemns Dr krishnasamy

லோக்சபா தேர்தலில் பாஜக அணியில் இணைந்து போட்டியிட்டு தோல்வி அடைந்தார். இத்தோல்வியை டாக்டர் கிருஷ்ணசாமியால் ஏற்க முடியவில்லை.

இந்நிலையில் சென்னையில் செய்தியாளர்களை டாக்டர் கிருஷ்ணசாமி சந்தித்தார். அப்போதும் ஊடகங்களை மிக இழிவாக விமர்சித்துப் பேசினார்.

மேலும் லோக்சபா தேர்தலில் பாஜக அணிக்கு வாக்களிக்காத தமிழக மக்களை பிற்போக்கானவர்கள் எனவும் வசைபாடினார் கிருஷ்ணசாமி. தொடர்ந்து பேசிய கிருஷ்ணசாமியிடம் நீங்கள் ஏன் தோல்வியை சந்தித்தீர்கள்? என செய்தியாளர் கேள்வி எழுப்பினார்.

அப்பா.. கண்ணீர் விட்ட தமிழச்சி.. மகளை பார்த்து தாய் கதற.. தேற்ற முடியாமல் தங்கம் தென்னரசு திணற! அப்பா.. கண்ணீர் விட்ட தமிழச்சி.. மகளை பார்த்து தாய் கதற.. தேற்ற முடியாமல் தங்கம் தென்னரசு திணற!

இதனால் ஆத்திரமடைந்த கிருஷ்ணசாமி, நீ யாரு? நீ எந்த சாதி? நீ எந்த ஊரு? என ஒருமையில் விமர்சித்தார். இதற்கு செய்தியாளர்கள் கடும் எதிர்ப்பு தெரிவித்தனர். அப்போது புதிய தமிழகம் கட்சியினருக்கும் செய்தியாளர்களுக்கும் இடையே வாக்குவாதம் ஏற்பட்டது.

இச்சம்பவத்துக்கு பத்திரிகையாளர்கள் அமைப்புகள் கடும் கண்டனம் தெரிவித்தன. பாஜக தவிர இதர கட்சித் தலைவர்களும் கடும் கண்டனம் தெரிவித்தனர். இருந்தபோதும் டாக்டர் கிருஷ்ணசாமி தாம் பேசியதை தொடர்ந்து நியாயப்படுத்தி வருகிறார்.

அவர் இது தொடர்பாக வீடியோ பதிவும் வெளியிட்டிருந்தார். தம்முடைய ஃபேஸ்புக் பக்கத்தில், நியூஸ் 18 உரிமையாளர் அனில் அம்பானியிடம் கேள்வி கேளுங்கள் என்றெல்லாம் குமுறி குமுறி பதிவு போட்டிருந்தார் டாக்டர் கிருஷ்ணசாமி.

இதனிடையே திராவிட இயக்க தமிழர் பேரவையின் தலைவர் பேராசிரியர் சுப. வீரபாண்டியன் தமது ட்விட்டர் பக்கத்தில், " மருத்துவர்களிடம் போனால் என்ன உடம்புக்கு என்று கேட்பார்கள். ஆனால் இங்கு ஒரு "டாக்டர்" என்ன சாதி என்று கேட்கிறார். அநாகரிகம்! #DrKrishnasamy" என பதிவிட்டு கண்டனத்தை வெளிப்படுத்தி இருக்கிறார்.

சுப.வீயை வழக்கம் போல விமர்சிப்பவர்கள் இந்த பதிவிலும் மிக இழிவான சொற்களை பயன்படுத்தி பதிவிட்டு வருகின்றனர். சுப.வீயை ஜாதியின் பெயராலும் திமுக ஆதரவு என்பதாலும் மிக மோசமாக விமர்சித்துள்ளனர்.

English summary
Dravidar Iyakka Thamizhar Peravai General Secretary Suba Veerapandian has condemned PT President Dr Krishnamay's question on Caste.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X