#RIPsujith ஊரே அழுகிறது.. திரும்பி வாடா எங்கள் செல்லமே!
Recommended Video
ஊரே அழுகிறது
திரும்பி வாடா எங்கள் செல்லமே
கண் முன்னே வாரிக் கொடுத்த எங்களுக்கு மன்னிப்பே இல்லையடா
கண்ணே எங்கள் தங்கமே
எப்படியாவது வந்து விடுவாய் என்றுதானே இருந்தோம்
இப்படியா ஆக வேண்டும் உன் முடிவு
உன்னை மூடியது மண் அல்ல..
எங்களின் இயலாமை
உன்னை கைவிட்டு விட்டோமே
இறுதி வரை மனதை அறுத்தெடுக்குமே இந்த துயரம்
"அம்மா இருக்கேன்.. எப்படியாவது மேலே எடுத்துக்கறேன்"
அப்படியே நம்பினாயே.. சரி என்றாயே
அதுவே உன் கடைசிச் சொல்லாகி விட்டதே
அந்த ஒற்றைச் சொல் உள்ளுக்குள் புயலாக சுழற்றியெடுக்கிறது
சொன்ன சொல்லை காப்பாற்ற முடியாமல் போய் விட்டோமே
ஒரு உயிரை காப்பாற்ற வழி இல்லாமல் போய் விட்டதே
திணறித் தவித்த உன் மூச்சுக் குழல் எங்களை மன்னிக்காது
பசியில் துடித்த உன் வயிறு எங்களை மன்னிக்கவே மன்னிக்காது
உன் மனதை நொறுக்கி விட்டோம்
உன் நம்பிக்கையை தகர்த்து விட்டோம்
உன் வாழ்வையே முடித்து விட்டோம்
எல்லோரும் தோற்றுப் போய் விட்டோம்..
முடியவில்லை தம்பி
எங்களின் அழுகைக்கு முடிவே இல்லை
வராம போயிட்டியேடா தம்பி.. சோகத்தில் மூழ்கிய சுஜித்தின் அண்ணன்.. தாயுடன் தவிப்பு!