சிம்பு சகோதரர் குறளரசன் இஸ்லாம் மதத்தை தழுவினார்.. டி.ராஜேந்தர் விளக்கம்
Recommended Video
சென்னை: இயக்குநர் டி.ராஜேந்தர் மகனும், நடிகர் சிம்புவின் சகோதரருமான, குறளரசன் இஸ்லாம் மதத்தை தழுவியுள்ளார்.
டி.ராஜேந்தரின் மூத்த மகன் சிலம்பரசன், தீவிர சிவ பக்தனாகும். ராஜேந்தரும், இந்து மத நம்பிக்கையுள்ளவர். அதேநேரம், மகள் இலக்கியா கிறிஸ்தவ மதத்தை தழுவியுள்ளார். இதனிடையேதான், குறளரசன், இஸ்லாம் மதத்தை இன்று தழுவினார்.
டி.ராஜேந்தர் மற்றும் தாய் உஷா ஆகியோர் முன்னிலையில், இஸ்லாமிய மத குருமார்கள் அருகாமையில், குறளரசன் இஸ்லாம் மதத்தை நேற்று தழுவினார்.
விளக்கம்
இதுகுறித்து டி.ராஜேந்தர் விளக்கம் அளித்துள்ளார். அவர் கூறுகையில், எந்த மதமும் சம்மதம் என்ற கொள்கையை பின்பற்றுவதால், குறளரசன் விருப்பத்திற்கு மதிப்பு கொடுத்து அவரை இஸ்லாம் மதத்தை தழுவ தடை சொல்லவில்லை. எனது மகன் சிம்பு சிவ பக்தன். மகள் இலக்கியா, கிறிஸ்தவ மதத்தை பின்பற்றுகிறார். இவ்வாறு டி.ராஜேந்தர் தெரிவித்தார்.
யுவன்சங்கர் ராஜா
இசையமைப்பாளர், இளையராஜாவின் மகன் யுவன் சங்கர் ராஜாவும் இந்து மதத்திலிருந்து இஸ்லாம் மதத்தை தழுவிய ஒரு பிரபலமாகும். இதேபோல டி.ராஜேந்தர் குடும்பத்திலும், ஒரு மினி இந்தியாவையே பார்க்க முடியும் என்ற அளவில் மும்மதங்களின் சங்கமம் நிகழ்ந்துள்ளது.
நடிகை மோனிகா
அழகி, சிலந்தி, சண்டைக்கோழி உள்ளிட்ட திரைப்படங்களில் நடித்த மோனிகா, மதுரையை சேர்ந்த தொழிலதிபரை மணந்து கொண்டு இஸ்லாம் மதத்திற்கு மாறினார்.
எம்மதமும் சம்மதம்
தமிழக திரையுலகை பொறுத்தளவில், எந்த மதமாக இருந்தாலும் சம்மதம் என்ற இணக்கமான சூழ்நிலை நிலவுகிறது. அப்படித்தான் குறளரசனும் இப்போது இஸ்லாம் மதத்தை தழுவியுள்ளார் என்கிறார்கள் கோலிவுட் வட்டாரத்தில்.