வெப்பத்திற்கு பைபை.. தமிழகத்தில் இன்று இடியுடன் கூடிய மழைக்கு வாய்ப்பு.. வானிலை மையம் கணிப்பு
தமிழகத்தில் இன்று இடியுடன் கூடிய மழைக்கு வாய்ப்பு உள்ளது என்று சென்னை வானிலை ஆய்வு மையம் அறிவிப்பு வெளியிட்டு இருக்கிறது.
Recommended Video
சென்னை: தமிழகத்தில் இன்று இடியுடன் கூடிய மழைக்கு வாய்ப்பு உள்ளது என்று சென்னை வானிலை ஆய்வு மையம் அறிவிப்பு வெளியிட்டு இருக்கிறது.
தமிழகத்தில் தற்போது கடுமையான வெப்பநிலை நிலவி வருகிறது. அக்கினி நட்சத்திரம் தொடங்கும் முன்பே வெப்பநிலை உச்சம் தொட்டு இருக்கிறது.
தற்போது உள்கர்நாடகா முதல் குமரி வரை காற்றழுத்த தாழ்வு நிலை நிலவி வருகிறது. இந்த காற்றழுத்த தாழ்வு நிலையின் காரணமாக அடுத்த 24 மணி நேரத்தில் தமிழகத்தின் கடலோர பகுதிகளில் பரவலாக மிதமான மழை பெய்ய வாய்ப்புள்ளதாக தெரிவிக்கப்பட்டுள்ளது.
3000 ஏரியை தூர்வாரி இருக்கோம்.. காங்கிரஸ் தமிழகத்தை கண்டுக்கவே இல்லையே...எடப்பாடி
தென் தமிழகத்தில் மிதமான மழைக்கு வாய்ப்புள்ளது என்றும் சென்னை வானிலை ஆய்வு மையம் தெரிவித்துள்ளது. ஒரு சில இடங்களில் 2 முதல் 3 டிகிரி செல்சியஸ் வரை இயல்பை விட அதிகமாக வெப்பநிலை நிலவி வருகிறது.
ஏற்கனவே வேலூர் மாவட்டத்தில் கடந்த மாதம் 5-ந் தேதி 103 டிகிரி, அடுத்த நாள் 6-ந் தேதி 105 டிகிரி, 29-ந் தேதி 104 டிகிரி வெயில் மிக மோசமாக இருந்துள்ளது. இதே நிலை பல மாவட்டங்களில் நிலவியது.இந்த வருடம் மே 4ம் தேதி கத்திரி வெயில் தொடங்க உள்ளது.
இந்த நிலையில்தான் தற்போது தமிழகத்தில் மழைக்கு வாய்ப்பு உள்ளது என்று சென்னை வானிலை ஆய்வு மையம் அறிவிப்பு வெளியிட்டு இருக்கிறது.
திருவாரூர், நாகை, கடலூர் மாவட்டங்களின் பல்வேறு பகுதிகளில் காலை முதல் மிதமான மழை பெய்யும். தென் தமிழகத்தில் மிதமான மழைக்கு வாய்ப்புள்ளது என்றும் சென்னை வானிலை ஆய்வு மையம் தெரிவித்துள்ளது. இந்த வெப்பநிலை காரணமாக தமிழகத்தில் சூடு தற்காலிகமாக தணியும் என்பது குறிப்பிடத்தக்கது.