• search
சென்னை அப்டேட்டுகளுக்கு
நோட்டிபிகேஷனை அனுமதி  
Just In

மாற்றுத்திறனாளி பயணிகளை அன்போடு நடத்துங்கள் - ஓட்டுநர், நடத்துனர்களுக்கு போக்குவரத்துத் துறை ஆர்டர்

Google Oneindia Tamil News

சென்னை : மாற்றுத் திறனாளிகள் பேருந்தில் பயணம் செய்யும் போது ஓட்டுனர், நடத்துனர் பின்பற்ற வேண்டிய வழிமுறைகளை தமிழக போக்குவரத்துத் துறை வெளியிட்டுள்ளது.

அரசு பேருந்தில் பயணிக்கும் பெண்களுக்கும், வயதானவர்களுக்கும் நிறைய இடர்பாடுகள் உள்ளன. மாற்றுத்திறனாளிகளின் பாடு பெரும்பாடுதான். அவர்களுக்கு என்று ஒதுக்கப்பட்ட இருக்கைகளில் கூட அவர்களால் அமரமுடியாத நிலை உள்ளது.

பேருந்து நிற்கும் முன்பே எழுந்து தயாராக பயணிகளை நிற்கச் சொல்லி... அவசரமாக இறங்கச் சொல்லி பாடாய் படுத்திவிடுவார் நடத்துனர். நீங்க எல்லாம் ஏன் பேருந்தில் பயணம் செய்கிறீர்கள் பேசாமல் வீட்டிலேயே இருந்திருக்கலாமே என்று கூட சுடுசொல் வீசுவார் கண்டக்டர்.

 காணாமல் போன அருணாச்சல பிரதேச இளைஞரை ஒப்படைத்தது சீனா ராணுவம் காணாமல் போன அருணாச்சல பிரதேச இளைஞரை ஒப்படைத்தது சீனா ராணுவம்

மாற்றுத்திறனாளி பயணிகள் நின்றிருந்தாலும் கூட பெண் பயணிகள் இருந்தாலும் கூட இலவச பயணம் தானே என்று ஏளனப்பேச்சும் பேச ஆரம்பித்து விட்டனர். இதற்கெல்லாம் முற்றுப்புள்ளி வைக்கும் வகையில் தமிழக அரசு போக்குவரத்துறை சார்பில் புதிய உத்தரவு ஒன்று பிறப்பிக்கப்பட்டுள்ளது.

மாற்றுத் திறனாளி பயணிகள்

மாற்றுத் திறனாளி பயணிகள்

ஒரு மாற்றுத்திறனாளி நின்றிருந்தாலும் பேருந்தை நிறுத்தி ஏற்றிச் செல்ல வேண்டும்; பேருந்தில் மாற்றுத்திறனாளிகளை உபசரிப்புடனும் அன்புடனும் நடத்த வேண்டும். மாற்றுத் திறனாளி பயணிகள் பேருந்திற்காக நிற்கும் போது முறையாக பேருந்தை நிறுத்தி ஏற்றிச் செல்ல வேண்டும்.

இழிவாக பேச வேண்டாம்

இழிவாக பேச வேண்டாம்

பேருந்தில் இடம் இல்லை என மாற்றுத் திறனாளிகளை பேருந்தில் இருந்து இறக்கிவிடக் கூடாது. மாற்றுத்திறனாளிகளிடம் கோபமாகவோ, ஏளனமாகவோ, இழிவாகவோ பேசக்கூடாது. அரசு பேருந்துகளில் மாற்றுத் திறனாளிகள் சிரமம் இல்லாமல் பயணிக்க நடத்துனர் உதவ வேண்டும்.

கட்டண சலுகை

கட்டண சலுகை

மாற்றுத் திறனாளிகள் அவர்களது இருக்கையில் அமரவும் பேருந்து நிறுத்தத்தில் இறங்கி, ஏறவும் உதவ வேண்டும். சாதாரண கட்டண பேருந்தில் மாற்றுத் திறனாளியுடன் கட்டணமின்றி பயணிக்க அனுமதிக்கலாம். அனைத்து வகை மாற்றுத்திறனாளிகளையும் பாகுபாடின்றி மாநிலம் முழுவதும் பேருந்துகளில் 75% பயணக் கட்டண சலுகையில் பயணம் செய்ய அனுமதிக்க வேண்டும் என போக்குவரத்துறை சார்பில் உத்தரவிடப்பட்டுள்ளது.

தேர்தல் வாக்குறுதி

தேர்தல் வாக்குறுதி

முதல்வர் முக ஸ்டாலின் அவர்கள் தேர்தலில் வாக்குறுதி அளித்தபடி அரசு நகரப் பேருந்துகளில் பெண்களுக்கு இலவச பேருந்து பயண திட்டம் அமல்படுத்தப்பட்டுள்ளது. தமிழக அரசின் இந்த திட்டம் பல மாநிலங்களுக்கு முன்னோடியாக உள்ளது. மேலும் பெண்கள் மத்தியில் இந்த திட்டம் நல்ல வரவேற்பையும் பெற்றுள்ளது. இத்திட்டம் நடைமுறைக்கு வந்ததில் இருந்து பேருந்துகளில் பயணம் செய்யும் பெண்களின் எண்ணிக்கை அதிகரித்துள்ளது.

 மாற்றுத்திறனாளிகள் பயணம் செய்ய கூடிய வசதிகள்

மாற்றுத்திறனாளிகள் பயணம் செய்ய கூடிய வசதிகள்

தமிழக அரசு புதிதாக 4000 பேருந்துகளை வாங்க திட்டமிட்டது. அதனை தொடர்ந்து கடந்த 2016 ம் ஆண்டு மாற்றுத்திறனாளிகளுக்கான வசதிகளுடன் கூடிய பேருந்துகள் இருப்பதை உறுதி செய்ய வேண்டும் என்று உயர் நீதி மன்றம் தமிழக அரசுக்கு உத்தரவிட்டது. இதையடுத்து அரசு புதிய பேருந்து வாங்க முடிவு செய்துள்ளது. இதில் 10 % பேருந்துகள் மாற்றுத்திறனாளிகள் பயணம் செய்ய கூடிய வசதிகளை கொண்டிருக்கும் எனவும் தமிழக அரசு தெரிவித்தது. மேலும் மாற்று திறனாளிகள் மற்றும் அவரின் உதவியாளர் அரசு பேருந்துகளில் இலவசமாக பயணம் செய்ய அனுமதி வழங்கப்பட்டுள்ளது.

English summary
Tamil Nadu State Transport Corporation (TNSTC) has issued guidelines to be followed by the driver and conductor while traveling in a bus for the disabled persons.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
Desktop Bottom Promotion