• search
சென்னை அப்டேட்டுகளுக்கு
நோட்டிபிகேஷனை அனுமதி  
Just In

படுபயங்கரமான தோல்வியை சந்தித்த தேமுதிக.. சமக, தமாகவை விட குறைவான வாக்குகள்.. அதிர்ச்சி தரும் டேட்டா!

|

சென்னை: தமிழக சட்டசபை தேர்தலில் சமக, தமிழ் மாநில காங்கிரஸ், ஐயுஎம்எல் கட்சிகளை விட குறைவான வாக்குகளை பெற்று தேமுதிக கட்சி பெரிய சரிவை சந்தித்துள்ளது.

தமிழக சட்டசபை தேர்தல் முடிவுகள் முழுமையாக வெளியாகி உள்ளன. ஒவ்வொரு கட்சியும் பெற்ற வாக்குகளின் விவரங்கள் வெளியிடப்பட்டுள்ளது. தமிழக சட்டசபைத் தேர்தலில் திமுக கூட்டணி அமோக வெற்றி பெற்றுள்ளது. தனிப்பெரும்பான்மையுடன் ஆட்சியை பிடித்துள்ளது திமுக. 159 தொகுதிகளில் திமுக கூட்டணி வெற்றி பெற்று ஆட்சி அமைக்கிறது.

அதிமுக கூட்டணி 75 இடங்களில் வெற்றிபெற்றுள்ளது. இதில் திமுக மட்டும் தனியாக 125 தொகுதிகளில் வெற்றிபெற்றுள்ளது. இந்த சட்டசபை தேர்தலில் ஒரு இடங்களில் கூட வெல்லாமல் தேமுதிக தோல்வி அடைந்துள்ளது.

234 தொகுதிகளில் 'எளிய வீட்டு பிள்ளைகள்' நாம் தமிழர் வேட்பாளர்கள் பெற்ற அசத்தல் வாக்குகள் முழுவிவரம்234 தொகுதிகளில் 'எளிய வீட்டு பிள்ளைகள்' நாம் தமிழர் வேட்பாளர்கள் பெற்ற அசத்தல் வாக்குகள் முழுவிவரம்

தமிழக

தமிழக

இந்த சட்டசபை தேர்தலுக்கு முன்பாக அதிமுகவுடன் கூட்டணி வைத்திருந்த தேமுதிக அதிக இடங்களை கேட்டு, அதிமுகவோடு சண்டைபோட்டு கூட்டணியில் இருந்து வெளியேறியது. எங்களுக்கு அதிக வாக்கு வங்கி இருக்கிறது, எங்களின் பலத்தை நிரூபிப்போம், நாங்கள் இல்லாமல் அதிமுக வெற்றிபெறாது என்று சவால்விட்டு அதிமுக கூட்டணியில் இருந்து வெளியேறி அமமுக கூட்டணியில் தேமுதிக இணைந்தது.

போட்டி

போட்டி

அமமுக கூட்டணியிலும் கூட தேமுதிக கடும் பேரத்திற்கு பின் 60 இடங்களை பெற்றது. அதிலும் 2011ல் தேமுதிக வென்ற 29 தொகுதிகளில் 12 தொகுதிகளில் தேமுதிக மீண்டும் போட்டியிட்டது. தனது சக்தியை மீறிய தேமுதிக 60 இடங்களில் களமிறங்கியது. அதன்படியே தேமுதிக போட்டியிட்ட 60 இடங்களிலும் டெபாசிட்டை இழந்துள்ளது. தேமுதிக அரசியல் வரலாற்றில் இதுவரை இல்லாத மிக மோசமான தோல்வியை அந்த கட்சி சந்தித்து இருக்கிறது.

தோல்வி

தோல்வி

விருத்தாசலத்தில் போட்டியிட்ட பிரேமலதா தொடங்கி எல்லோரும் டெபாசிட்டை இழந்துள்ளனர். அந்த கட்சியின் மொத்த வாக்கு சதவிகிதம் வெறும் 0.43% மட்டுமே. இதுவரை குறைந்தது 1-2.5% வாக்கு சதவிகிதத்தையாவது வைத்து இருந்த தேமுதிக இந்த முறை அந்த வாக்குகளை கூட வெல்லாமல் மிக மோசமான தோல்வியை தழுவி உள்ளது.

எத்தனை வாக்குகள்

எத்தனை வாக்குகள்

இந்த தேர்தலில் மொத்தம் 60 தொகுதிகளில் போட்டியிட்டு தேமுதிக 195610 வாக்குகளை பெற்றுள்ளது. இதைவிட குறைந்த தொகுதிகளில் போட்டியிட்ட சிறிய கட்சிகள் தேமுதிகவை விட அதிக வாக்குகள் பெற்றுள்ளன. கொங்கு நாடு மக்கள் தேசிய கட்சி - 339342, ஐயுஎம்எல் -222263, தமிழ் மாநில காங்கிரஸ் -221051, தமிழக மக்கள் ஜனநாயக கட்சி -22156, சமத்துவ மக்கள் கட்சி -89220, இந்திய ஜனநாயக கட்சி - 39288 வாக்குகளை பெற்றுள்ளன.

மோசம்

மோசம்

தேமுதிக சிறிய கட்சிகளை விட மிக மோசமான வாக்குகளை பெற்று, இருந்த வாக்கு சதவிகிதமும் போய் பெரிய சரிவை சந்தித்துள்ளது. குறைந்தது அதிமுக கூட்டணியில் இருந்தாவது 2-3% வாக்குகளை பெற்று, மரியாதையான தோல்வியை சந்தித்து இருக்கும். 10-15 தொகுதிகளுக்கு ஒப்புக்கொண்டு இருந்தால் கூட தேமுதிக ஒரு இடத்திலாவது வெற்றியோ, இரண்டாம் இடமோ பெற்று இருக்கும்.

அதிமுக மோதல்

அதிமுக மோதல்

ஆனால் அதிமுகவோடு முறுக்கிக்கொண்டு வெளியேறிய தேமுதிக தற்போது தனது அரசியல் எதிர்காலத்திற்கு எதிராக தானே படுகுழியை தோண்டியுள்ளது. விஜயகாந்த் ஆக்டிவாக இல்லாத நிலையில் பிரேமலதா - சுதீஷ் - விஜயபிரபாகரன் சேர்ந்து எடுக்கும் முடிவுகள் எல்லாம் கட்சியை மொத்தமாக பாதாளத்திற்கு தள்ளி உள்ளது. இது போன்ற மோசமான தோல்வியில் இருந்து தேமுதிக மீண்டு வந்து.. மீண்டும் தனது இழந்த இடத்தை பிடிப்பது எல்லாம் கனவில் கூட சாத்தியம் இல்லை என்றே கருதப்படுகிறது!

English summary
Tamilnadu election result 2021: DMDK losses deposit in all seats and gets less votes than SMK, TMC.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X