தமிழருக்கு நன்றிக் கடன் செலுத்த வரும் அண்ணன் ரஜினிகாந்தை வரவேற்கிறேன்: இயக்குநர் தங்கர்பச்சான்
சென்னை: தமிழக மக்களுக்கு நன்றிக் கடன் செலுத்த அரசியல் தொண்டாற்ற வரும் அண்ணன் ரஜினிகாந்த் அவர்களை வரவேற்கிறேன் என்று திரைப்பட இயக்குநர் தங்கர்பச்சான் தெரிவித்துள்ளார்.
தமது சமூக வலைதளப் பக்கங்களில் தங்கர்பச்சான் பதிவிட்டுள்ளதாவது:
வளர்த்துவிட்ட தமிழக மக்களுக்கு நன்றிக்கடன் செலுத்துவதற்காக அரசியல் தொண்டு ஆற்ற வரும் அண்ணன் ரஜினிகாந்த் அவர்களை வரவேற்கிறேன்!
தமிழக அரசியலை வணிகமாக மாற்றிய அரசியல்வாதிகள், அரசியல் தரகர்கள், அரசியல் கட்சிகளின் இணையக்கூலிகள் கலக்கத்தில் உறக்கமில்லாமல் கதறுவார்கள், புலம்புவார்கள்! அவர்களை எல்லாம் புறந்தள்ளி மக்கள் குறித்து மட்டுமே கவனம் செலுத்துங்கள்.
இவ்வாறு தங்கர்பச்சான் கூறியுள்ளார்.
Comments
English summary
Director Thangar Bachan welcomes to Rajinikanth Political Entry.