டி.என். சேஷனாக தேர்தல் ஆணையம் அவதாரம் எடுக்க வேண்டிய நேரம் இது.. மக்கள் எதிர்பார்ப்பு

புடம் போட்ட தங்கமாக ஆணையம் மாற வேண்டும் என்பது பொதுமக்களின் எதிர்பார்ப்பாக உள்ளது.

சென்னை: தேர்தல் அறிவிக்கப்பட்டதில் இருந்தே தேர்தல் ஆணையத்தின் நடவடிக்கைகளை மக்கள் உன்னிப்பாகவே கவனித்து வருகிறார்கள்... ஆனால் மெச்சிக் கொள்ளும் விதத்தில் அவை இல்லை என்பதே அனைவரின் வருத்தமாக உள்ளது.

முதலில் தலை தூக்கியது பறக்கும் படையினரின் செயல்பாடுகள்தான். ரோட்டில் செல்லும் வாகனங்களை சோதனையிடுவதில் கூட பாரபட்சம் என்பதுதான் முதல் குறையாக எழுந்தது. ஆளும் தரப்புக்கு ஆதரவான வண்டிகளை சோதனையிடுவதில்லை என்றும் கண்ணெதிரே நடக்கும் பணப் பட்டுவாடாக்களை தடுத்து நிறுத்துவதில்லை என்றும் பொதுமக்கள் வெளிப்படையாக குமுறிய உண்மை!

இதில் சாமான்ய மக்களால் கொண்டு செல்லப்படும் பணங்களையும் பிடுங்கி கொள்வது என்பது ஜீரணிக்க முடியாத ஒன்றாகி விட்டது. இதில் அமமுக, திமுக, விசிக கட்சிகளின் நிர்வாகிகள் மீது பறக்கும் படை தனது அதிகாரத்தை செலுத்தி உள்ளது.

English summary

People expect that the Election Commission should be neutral and strict.