வீட்டு கானா.. லாக்டவுன் நேரத்தில் வீட்டில் பெண்கள் படும் கஷ்டம்.. வைரலாகும் யூ டியூப் பாடல் வீடியோ!
சென்னை: லாக்டவுன் நேரத்தில் வீட்டில் பெண்களின் கஷ்டத்தை உணர்த்தும் வகையில் பரணி மகேஷ் என்பவர் தனது யூ டியூப் சேனலில் வீடியோ ஒன்றை வெளியிட்டுள்ளார். இந்த பாடல் வீடியோ பெரிய அளவில் வைரலாகி உள்ளது.
தற்போது கொரோனா பாதிப்பு காரணமாக நாடு முழுக்க லாக்டவுன் அமலில் உள்ளது. மார்ச் மாதம் இரண்டாம் வாரத்தில் இருந்தே லாக்டவுன் அமலில் உள்ளது. தற்போது தளர்வுகளுடன் கூட அன்லாக் 3.0 செயல்பாடுகள் அமலில் உள்ளது.
இப்படி லாக்டவுன் அமலில் இருக்கும் நேரத்தில் அலுவலகம் செல்லும் ஆண்கள், பெண்கள் எல்லோரும் வீட்டில் இருந்து வேலை பார்க்கிறார்கள். அதேபோல் பள்ளி இல்லாத குழந்தைகளும் வீட்டிலேயே ஜாலியாக இருக்கிறார்கள். இப்படிப்பட்ட சூழ்நிலையில் வீட்டில் இருக்கும் அம்மாக்களின் நிலைதான் மோசமாகி உள்ளது.
வீட்டில் எல்லோரும் ரெஸ்ட் எடுத்தாலும் கூட, அம்மாக்கள் மட்டும் எல்லோருக்கும் மூன்று வேலையும் சமைத்து, இடையில் இடையில் நொறுக்கு தீனியும் செய்ய வேண்டிய நிலை உள்ளது. இப்படி வீட்டில் பெண்கள் படும் கஷ்டத்தை உணர்த்தும் வகையில் பரணி மகேஷ் என்பவர் தனது யூ டியூப் சேனலில் வீடியோ ஒன்றை வெளியிட்டுள்ளார்.
தெலுங்கில் ஹிட் அடித்த புட்டபொம்மா பாடலை அப்படியே காமெடியாக ரீமேக் செய்து பரணி மகேஷ் வெளியிட்டு இருக்கும் இந்த வீட்டு காண வீடியோ யூ டியூபில் ஹிட் அடித்துள்ளது.
இந்த வீடியோவை காண: https://www.youtube.com/watch?v=Z1rh5p1yI3w&feature=youtu.be