பாஜகவினர் வீடுகளில் வேல் பூஜை .. முருகன், வானதி சீனிவாசன், ஹெச் ராஜா வெளியிட்ட படங்கள்
சென்னை: தமிழகம் முழுவதும் பாஜகவினர் தங்களது வீடுகளில் வேல் பூஜை செய்து கந்தசஷ்டி கவசம் படித்தனர். பாஜக தலைவர் முருகன், பாஜக மாநில துணை தலைவர் வானதி சீனிவாசன், ஹெச் ராஜா உள்ளிட்ட பாஜகவினர் பலர் வேல் பூஜை டுவிட்டரில் படங்களை வெளியிட்டுள்ளனர்.
சில வாரங்களுக்கு முன்பு கறுப்பர் கூட்டம் என்ற யூடியூப் சேனலில் கந்தசஷ்டி கவசத்தை கொச்சைப்படுத்தி வெளியிட்ட வீடியோவுக்கு கடும் எதிர்ப்புகள் கிளம்பியது.
வீரபாண்டி ராஜாவுக்கு பாஜக அழைப்பு...? அதிருப்தி திமுக பிரமுகர்களுக்கு தொடரும் தூது விடும் படலம்
இதையடுத்து கோடிக்கணக்கான முருகப் பக்தர்களின் ஒற்றுமை உணர்வினை உலகிற்கு காட்டும் வகையில் இந்த நிகழ்வை நடத்த வேண்டும் என பாஜக மாநில தலைவர் எல்.முருகன் கேட்டுக்கொண்டார் . அவர் வெளியிட்ட அறிக்கையில், கறுப்பர் கூட்டம் என்ற அமைப்பினர் தமிழ் கடவுள் முருகனை வேண்டிப் பாடும் கந்தசஷ்டி கவசத்தை கொச்சைப்படுத்தும் போக்கை நினைத்து உலகமெங்கும் வாழும் தமிழர்கல் மன வேதனையில் உள்ளனர்.
இந்நிலையில் தமிழகத்தில் உள்ள கோடிக்கணக்கான ஆன்மிக பக்தர்கள், முருகப் பக்தர்கள், காவடி குழுக்கள், பாதயாத்திரை குழுக்கள் ஆகியோரின் வேண்டுகோளை ஏற்று மாலை சரியாக 6.01 மணிக்கு பக்தர்கள் அனைவரும் வீடுகள் தோறும் வேல் அல்லது முருகன் படத்தை வைத்து பூஜை செய்ய வேண்டுமென அன்புடன் கேட்டுக்கொள்கிறேன். கோடிக்கணக்கான பக்தர்களின் ஒற்றுமை உணர்வினை உலகிற்கு காட்டுவோம், மத நல்லிணக்கத்திற்கு எதிரான சக்திகளை முறியடிப்போம் என்று கூறியிருந்தார்.
இந்நிலையில் பாஜக தலைவர் முருகன் தனது வீட்டில் வேல் பூஜை செய்த புகைப்படங்களை டுவிட்டரில் வெளியிட்டிருக்கிறார்.
இதேபோல் பாஜக மாநில துணை தலைவர் வானதி சீனிவாசன் தனது இல்லத்தில் வேல் பூஜை நடத்தி அதன் படங்களை வெளியிட்டுள்ளார்.
பாஜக தேசிய செயலாளர் ஹெச் ராஜா தனது இல்லத்தில் வேல் பூஜை நடத்தி புகைப்படத்தை டுவிட்டரில் பதிவிட்டுள்ளார்.